Акаўнт Папы Францішка ў Твітары за тры тыдні пасля яго выбрання на Святы Пасад набраў больш за пяць мільёнаў падпісчыкаў. У чацвер акаўнт, які дзейнічае ў дзевяці мовах, у тым ліку лаціне і арабскай, налічваў звыш пяці мільёнаў чытачоў. Найбольшую групу складаюць англамоўныя чытачы — звыш двух мільёнаў чалавек.

«Бог любіць нас. Мы не павінны баяцца любіць Яго. Вера вызнаецца вуснамі і сэрцам, словам і любоўю», — так гучыць новы запіс у профілі папы Францішка ў «Твітэры».

Уражанне ад сустрэчы з Езусам — да гэтай тэмы звярнуўся ў гаміліі падчас Імшы 4 красавіка ў капліцы Дома св. Марты папа Францішак. Святы Айцец нагадаў, што літургічныя чытанні гэтага дня кажуць пра ўражанне натоўпу аздараўленнем, здзейсненым ад імя Хрыста, і ўражанне вучняў аб’яўленнем паміж імі ўваскрослага Езуса.

Папа Францішак запэўніў у малітоўнай блізкасці пацярпелых ад паводкі аргенцінцаў. Паводка, выкліканая праліўнымі дажджамі, прывяла да смерці некалькіх дзясяткаў, а да вымушанай эвакуацыі — некалькіх тысяч чалавек.

Яшчэ ў бытнасць кардыналам папа Францішак прызнаўся, што дзякуючы сведчанню Яна Паўла ІІ штодзень моліцца ўсе таямніцы Ружанца. Аб гэтым сённяшні Пантыфік казаў у размове з італьянскім выданнем «30 Giorni».

На агульную аўдыенцыю з папам Францішкам 3 красавіка прыбылі каля 10 тысяч пілігрымаў з архідыяцэзіі Мілана (Італія) на чале са сваім Мітрапалітам кардыналам Анджэла Скола. Большасць пілігрымаў склала моладзь.

Італьянцаў і аргенцінцаў яднаюць духоўныя і сямейныя сувязі, культура і традыцыі. Аб гэтым, нагадваючы пра сваё італьянскае паходжанне, піша папа Францішак у лісце да Італьянска-аргенцінскага грамадска-культурнага таварыства «Ascia» у Італіі.

У Апостальскай Сталіцы стаў вядомы каляндар літургічных цэлебрацый, якія ўзначаліць Святы Айцец у красавіку і маі. 7 красавіка, у нядзелю Божай Міласэрнасці, у 17.30 адбудзецца інгрэс папы Францішка на кафедру Біскупа Рыма ў базыліцы св. Яна на Латэране.

2 красавіка ўвечары Святы Айцец Францішак здзейсніў візіт да месца спачывання бл. Яна Паўла II у восьмую гадавіну яго смерці. Святога Айца суправаджаў кардынал Анджэла Камастры, архіпрэзбітэр базылікі св. Пятра, і кс. прэлат Альфрэд Хуэрэб, асабісты сакратар Пантыфіка.

У велікодны панядзелак, 1 красавіка, папа Францішак патэлефанаваў арцыбіскупу Ларысу Франчэска Капавіле, былому асабістаму сакратару папы Яна ХХІІІ, каб павіншаваць іерарха з Вялікаднем, а таксама падзякаваць за рэкламныя плакаты, зробленыя да Года веры ў яго дыяцэзіі на поўначы Італіі.

Пра вялікую пашану сённяшняга Пантыфіка Францішка да Яна Паўла ІІ нагадвае Ватыканскае радыё ў 8-ю гадавіну смерці благаслаўлёнага Папы. У 1992 г. Ян Павел ІІ прызначыў кс. Берголіа біскупам, а ў 2001 г. уключыў яго ў Калегію кардыналаў.

У другой палове дня 1 красавіка Святы Айцец Францішак наведаў некропаль, які знаходзіцца пад ватыканскай базылікай. Там Пантыфік памаліўся ля магілы апостала Пятра.

Кожны месяц малітвам вернікаў давяраюцца дзве інтэнцыі: агульная і місійная. Агульная з малітоўных інтэнцый на красавік, зацверджаных Бэнэдыктам XVI яшчэ ў канцы 2011 года, гучыць так: «Каб публічнае вызнанне веры і малітва былі для вернікаў крыніцай жыцця».

1 красавіка ў другой палове дня папа Францішак у прыватным парадку наведае некропаль, які знаходзіцца пад ватыканскай базылікай. Як паведамляе Прэс-служба Апостальскай Сталіцы, Пантыфік памоліцца ля магілы св. Пятра.

Каля 250 тысяч чалавек, па дадзеных Ватыканскай жандармерыі, прынялі ўдзел у велікоднай святой Імшы раніцай 31 сакавіка, якую ўзначаліў на плошчы Святога Пятра папа Францішак.