З 10 па 14 кастрычніка 2011 г. Каталіцкі Касцёл у Малдове праводзіць сацыяльны тыдзень, накіраваны на развіццё дыялога Касцёла з сацыяльнымі арганізацыямі і актывізацыю дзейнасці на карысць патрабуючых. Спецыяльнае пасланне яго ўдзельнікам скіраваў Святы Айцец Бэнэдыкт XVI.

13 кастрычніка 2011 г. Бэнэдыкт XVI прыняў на аўдыенцыі Прэзідэнта Рэспублікі Гандурас Парфірыо Лоба. Затым з дыпламатам сустрэліся Дзяржсакратар Яго Святасці кардынал Тарчызіо Бэртонэ і арцыбіскуп Дамінік Мамбэрці, сакратар па адносінах з дзяржавамі Дзяржаўнага Сакратарыяту.

15–16 кастрычніка 2011 г. у Ватыкане пройдзе сімпозіум на тэму «Новыя евангелізатары для новай евангелізацыі — Божае cлова расце і распаўсюджваецца». Арганізатарам з’яўляецца Папская рада па новай евангелізацыі.

12 снежня 2011 г. Святы Айцец Бэнэдыкт XVI узначаліць літургію ў 200-ю гадавіну незалежнасці краін Лацінскай Амерыкі. Ініцыятарам малітвы выступіла ватыканская Камісія па справах Лацінскай Амерыкі.

10 кастрычніка 2011 г. Святы Айцец Бэнэдыкт XVI сустрэўся з новапрызначанымі біскупамі — афрыканцам з Беніна Бартэламеем Адаконам (сакратаром Папскай рады па культуры) і італьянцам Джузэппэ Бартэлло (генерал-губернатарам Ватыкана).

Апостальская Сталіца адобрыла рашэнне прысудзіць Нобелеўскую прэмію міру тром жанчынам: Прэзідэнту Ліберыі Эллен Джонсан-Серліф, пацыфістцы ліберыйскага жаночага руху за мір Леймах Гбоуі і апазіцыянерцы з Емена Тауаккул Карман.

У нядзелю 9 кастрычніка 2011 г. Святы Айцец Бэнэдыкт XVI наведаў з пастырскім візітам Калабрыю — дастаткова праблемны рэгіён Італіі. Важнейшай праблемай тут з’яўляецца ўплыў мафіі і звязаная з гэтым карупцыя.

7 кастрычніка 2011 г. Святы Айцец Бэнэдыкт XVI прыняў епіскапат Індыі, які ў гэтыя дні знаходзіцца ў Апостальскай Сталіцы з візітам «ad limina Apostolorum». Папярэдне Папа сустракаўся паасобку з кожным іерархам.

22 кастрычніка 2011 г. Святы Айцец Бэнэдыкт XVI атрымае ганаровае грамадзянства мясцовасці яго бабулі па мацярынскай лініі (Нац-Шабс, Германія).

27 кастрычніка 2011 г. у Азісі адбудзецца міжрэлігійная сустрэча, ініцыятарам якой, як і 25 гадоў таму, з’яўляецца Апостальская Сталіца. Святы Айцец Бэнэдыкт XVI выступіць на адкрыцці і заканчэнні форуму.

У нядзелю 2 кастрычніка 2011 г. на плошчы Святога Пятра ў Рыме адбылася традыцыйная малітва «Анёл Панскі». Узначаліў яе і прапанаваў паразважаць над урыўкам з Евангелля Святы Айцец Бэнэдыкт XVI.

29 верасня 2011 г. Святы Айцец Бэнэдыкт XVI сустрэўся са старшынёй Аддзела знешніх царкоўных сувязяў Маскоўскага Патрыярхату Мітрапалітам Іларыёнам. Сустрэча адбылася ў папскай летняй рэзідэнцыі ў Кастэль Гандольфа.

Святы Айцец Бэнэдыкт XVI cкіраваў віншаванні яўрэйскай супольнасці з нагоды надыходзячых святаў Новага года (Рош Ха-Шана), Дня паяднання (Ём Кіппур), і свята шатроў (Суккот). Тэлеграму Папа скіраваў на імя Рыкарда ды Сэньі, галоўнага рабіна Рыма.

Увечары 28 верасня 2011 г. Святы Айцец Бэнэдыкт XVI развітаўся з  працаўнікамі папскай летняй рэзідэнцыі ў Кастэль Гандольфа. Тут Папа знаходзіўся з 7 ліпеня.

29 верасня 2011 г. Святы Айцец Бэнэдыкт XVI сустрэнецца з Мітрапалітам Іларыёнам, кіраўніком Аддзела знешніх царкоўных сувязяў Маскоўскага Патрыярхату. Гэта будзе ўжо трэцяя падобная сустрэча.