Кіраўнік Прэс-службы Апостальскай Сталіцы кс. Фэдэрыка Ламбардзі звярнуў увагу, што «новая кніга Папы аб дзяцінстве Езуса трапіла ў нашы рукі своечасова, каб духоўна суправаджаць нас у перыяд Адвэнту і Божага Нараджэння».

24 лістапада ў базыліцы св. Пятра за мурамі ў Ватыкане адбылася кансісторыя, падчас якой Святы Айцец надаў кардынальскую годнасць шасці іерархам. У гаміліі Папа падкрэсліў, што місія Хрыста «арыентавана на ўсяго чалавека і кожную асобу, пераўзыходзячы любыя этнічныя, нацыянальныя і рэлігійныя асаблівасці».

23 лістапада Святы Айцец Бэнэдыкт XVI сустрэўся з Прэзідэнтам Лівана Мішэлем Сулейманам, які прыбыў у Рым з нагоды кансісторыі, што адбудзецца 24 лістапада. Прэзідэнт Лівана ўзначальвае дэлегацыю з 500 чалавек, якія прыехалі падтрымаць мараніцкага Патрыярха Бешара Раі, які заўтра атрымае з рук Папы кардынальскі берэт.

Неабароненасць людзей мора, рыбакоў і матросаў павінна стымуляваць клопат Касцёла аб іх. Да гэтага заклікаў Святы Айцец Бэнэдыкт XVI удзельнікаў XXIII Сусветнага кангрэсу душпастырства працуючых на моры, з якімі сустрэўся 23 лістапада ў Ватыкане.

Святы Айцец Бэнэдыкт XVI менаваў былога прэфекта Папскага дома арцыбіскупа Джэймса Майкла Харві арцыпрэзбітэрам базылікі св. Паўла за мурамі. 24 лістапада падчас кансісторыі арцыбіскуп Харві атрымае кардынальскія рэгаліі.

Узаемаадносіны паміж Апостальскай Сталіцай і Гаіці і пытанні касцёльнай дабрачыннасці былі тэмамі абмеркавання падчас сустрэчы Святога Айца Бэнэдыкта XVI і Прэзідэнта Гаіці Мішэля Мартэлі. 22 лістапада Папа ўдзяліў лідару Гаіці аўдыенцыю.

Дыскусіі аб пенітэнцыярнай сістэме часцей датычаць санкцый, працэсуальных момантаў ці таго, каб пакаранне адпавядала здзейсненым злачынствам, аднак меншая ўвага надаецца пытанню справядлівасці ў адносінах да годнасці і правоў зняволеных. На гэта звярнуў увагу Святы Айцец Бэнэдыкт XVI падчас сустрэчы з кіраўнікамі пенітэнцыярных установаў краін Савета Еўропы 22 лістапада ў Ватыкане.

«Канец свету, аб якім так шмат гаворыцца ў апошні час, павінен выклікаць у нас не страх, а надзею ў Хрысце», — лічыць айцец Раньера Канталамеса, прапаведнік Папскага дому. Дакладную дату гэтай падзеі Езус не назваў і нават анёлы на небе не ведаюць яе.

Свет мастацтва можа быць сведкам прыгажосці веры. Аб гэтым гаворыцца ў пасланні Святога Айца Бэнэдыкта XVI да ўдзельнікаў XVII пасяджэння Папскіх акадэмій, якое адбылося 21 лістапада ў Ватыкане. Сёлета яно прайшло пад назвай «Мастак, як Касцёл, сведка прыгажосці веры».

21 лістапада, на заканчэнне агульнай аўдыенцыі, Святы Айцец Бэнэдыкт XVI звярнуўся з заклікам аб спыненні ваенных дзеянняў паміж Ізраілем і сектарам Газа. Таксама Папа выказаў падтрымку тым сілам і ініцыятывам, якія працуюць дзеля дасягнення перамір’я і пачатку перамоваў.

«Новая кніга Бэнэдыкта XVI датычыць нашага жыцця, бо кажа аб справах заўсёды актуальных», — заўважыў старшыня Папскай рады па культуры кардынал Джанфранка Равазі. Іерарх, які з’яўляецца таксама вядомым біблеістам, прыняў удзел 20 лістапада ў прэзентацыі ў Ватыкане трэцяй часткі трылогіі Папы «Езус з Назарэта. Дзяцінства».

Пра трэцюю кнігу трылогіі папы Бэнэдыкта XVI «Езус з Назарэта», якая была прэзентавана 20 лістапада ў Ватыкане, апавядае ў сваім артыкуле галоўны рэдактар газеты «L’Osservatore Romano» Джаванні Марыя Віян. Журналіст звяртае ўвагу, што кніга — «выраз асабістых шуканняў» аўтара, як напісаў сам Папа.

20 лістапада ў ватыканскай зале Пія Х прайшла прэзентацыя заключнага тома трылогіі Святога Айца Бэнэдыкта XVI аб этапах зямнога жыцця Езуса. Кніга выйдзе ў італьянскім выдавецтве «Rizzoli» ў супрацоўніцтве з выдавецтвам Ватыкана.

Каштоўнасць лакальных культур Афрыкі і значэнне Касцёла ў захаванні міру і паяднання сталі тэмай размоваў, якія Прэзідэнт Беніна Томас Яі Боні правёў 19 лістапада ў Ватыкане.

18 лістапада Святы Айцец Бэнэдыкт XVI павіншаваў Патрыярха Копцкай Праваслаўнай Царквы Тавадраса ІІ з інтранізацыяй на гэтую пасаду. Іерарх быў абраны кіраўніком Копцкай Царквы 4 лістапада.