Узаемаадносіны паміж Апостальскай Сталіцай і Гаіці і пытанні касцёльнай дабрачыннасці былі тэмамі абмеркавання падчас сустрэчы Святога Айца Бэнэдыкта XVI і Прэзідэнта Гаіці Мішэля Мартэлі. 22 лістапада Папа ўдзяліў лідару Гаіці аўдыенцыю.

Пасля Прэзідэнт сустрэўся з Дзяржаўным сакратаром Яго Святасці кардыналам Тарчызіо Бэртонэ і сакратаром па адносінах з дзяржавамі Дзяржаўнага сакратарыяту Ватыкана арцыбіскупам Дамінікам Мамбэрці.

Як інфармуе Прэс-служба Апостальскай Сталіцы, у размовах гаварылася пра добрыя адносіны паміж Ватыканам і Гаіці. Нагадвалася пра вялікі ўклад Касцёла праз пасрэдніцтва адукацыйных, грамадскіх і дабрачынных установаў, асабліва пасля землятрусу ў студзені 2010 г. Падкрэслівалася таксама важнасць супрацоўніцтва бакоў на карысць развіцця грамадства Гаіці.

(AG)