Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Святы Айцец і старшыня ўрада Іспаніі абмеркавалі сітуацыю сусветнага крызісу
Святы Айцец
15.04.2013 15:21

15 красавіка Святы Айцец прыняў на аўдыенцыі Марыяна Рахоя Брэя, старшыню іспанскага ўрада. З палітыкам сустрэўся таксама Дзяржаўны сакратар кардынал Тарчызіо Бэртонэ. Падчас сустрэч абмяркоўвалася складаная сусветная фінансава-эканамічная сітуацыя, якая закранула як Іспанію, так і іншыя еўрапейскія краіны, і прывяла да крызісу занятасці, што ўдарыў перш за ўсё па сем’ях і моладзі.

Папа Францішак і кардынал Бэртонэ выказалі блізкасць Касцёла да тых, каго закрануў крызіс, і адзначылі вялікую працу, якую праводзіць дабрачыннае каталіцкае таварыства «Карытас» і іншыя касцёльныя дабрачынныя арганізацыі на карысць найбольш патрабуючых.

Па інфармацыі Ватыканскага радыё, была закранута таксама тэма палітычна-інстытуцыянальнага клімату ў Іспаніі. Была прызнана неабходнасць дыялога ў грамадстве на аснове ўзаемнай павагі і з улікам такіх каштоўнасцяў, як справядлівасць і салідарнасць, у імкненні да агульнага дабра.

Увага была звернута і на добрыя двухбаковыя адносіны паміж Святым Пасадам і Іспаніяй па пытаннях, якія ўяўляюць цікавасць і з’яўляюцца актуальнымі для Касцёла ў краіне. У прыватнасці, размова ішла пра інстытут сужэнства і сям’і, а таксама пра важнасць рэлігійнай адукацыі.

Абмяркоўвалася і тэма міжнароднай сітуацыі з асаблівай увагай да Лацінскай Амерыкі.

(AG)

 

Пры выкарыстанні матэрыялаў сайта спасылка на Catholic.By абавязкова.

Спасылкі па тэме