28 мая Папа Францішак прыняў на аўдыенцыі Прэзідэнта Харвацкай Рэспублікі Калінду Грабар-Кітаравіч, якая затым сустрэлася з Дзяржсакратаром Яго Святасці кардыналам П'етро Паралінам і сакратаром па адносінах Святога Пасаду з дзяржавамі арцыбіскупам Полам Галахерам.

Існуюць хрысціяне, якія аддаляюць людзей ад Езуса. Звычайна гэта асобы, зацікаўленыя выключна ўласнымі адносінамі з Богам і дасягненнем прыватных мэтаў. На шчасце, у Касцёле ёсць і тыя, хто па-сапраўднаму прыслухоўваецца да воклічу людзей, патрабуючых Бога, заўважыў Папа Францішак 28 мая падчас ранішняй Эўхарыстыі ў Ватыкане.

Папа Францішак удзельнічае ў пасяджэнні Рады Сакратарыяту Сінода Біскупаў, якое праходзіць 25-26 мая ў Ватыкане і звязана з падрыхтоўкай да біскупскай асамблеі, што адбудзецца ў кастрычніку на тэму сям’і і сужэнства.

Папа Францішак даў інтэрв’ю аргенцінскаму часопісу La voz del pueblo, у якім распавёў пра свае аўдыенцыі і сустрэчы з людзьмі, пагрозы замаху, спачуванне пакутам дзяцей і вязняў, абяцанне Маці Божай не глядзець тэлевізар і жаданне выйсці ў горад на піцу.

«Місіянерства — гэта не празелітызм і не стратэгія, але дзяленне любоўю да Хрыста, людзей і Евангелля», — напісаў Папа Францішак у пасланні на Сусветны дзень місій. Ён быў устаўноўлены ў 1926 г. Папам Піем ХІ і штогадова адзначаецца ў Каталіцкім Касцёле ў перадапошнюю нядзелю кастрычніка.

Папа Францішак вельмі высока ацэньвае намаганні жанчын для абароны жыцця, змагання з беднасцю, прыгнётам і несправядлівасцю ва ўсім свеце. Пантыфік скіраваў пасланне да ўдзельнікаў рымскага форуму, прысвечанага ролі жанчын у рэалізацыі ААНаўскай праграмы “Мэты развіцця пасля 2015 года”.

Папа Францішак выказаў салідарнасць з ахвярамі апоўзню, які сышоў на горад Салгар у Калумбіі. Пасланне Пантыфіка з адмысловым благаслаўленнем для жыхароў правінцыі, пацярпелых ад катастрофы, было падпісана Дзяржсакратаром Яго Святасці кардыналам П’етро Паралінам, які даслаў яго на імя мясцовага біскупа Ноэля Антоніo Ландонья Буітрага.

21 мая Папа Францішак прыняў на аўдыенцыі членаў сем’яў італьянскіх паліцэйскіх, якія загінулі пры выкананні службовых абавязкаў. Італія мае патрэбу ў людзях, якія “служаць з бескарыслівасцю, шчырасцю і пастаянствам”, адзначыў Пантыфік і падзякаваў членам праваахоўных органаў за барацьбу са злачыннасцю, карупцыяй, гандлем людзьмі і за дапамогу мігрантам.

Падчас агульнай аўдыенцыі 20 мая Папа Францішак распавёў пра прапанову Канферэнцыі Біскупаў Італіі ўзгадаць ва ўсіх дыяцэзіях свету 23 мая, у вігілію ўрачыстасці Спаслання Святога Духа, пра людзей, вымушаных бегчы са сваіх краін і пераследаваных за хрысціянскую веру.

Аб важнасці падрыхтоўкі да моманту развітання з гэтым светам казаў Папа Францішак 19 мая ў сваёй гаміліі падчас ранішняй Эўхарыстыі ў Ватыкане. Пантыфік пахіліўся над літургічнымі чытаннямі, якія прадстаўляюць сцэну развітання апостала Паўла з супольнасцю Эфеса перад яго адыходам у Ерузалем і развітання Езуса з вучнямі падчас Апошняй Вячэры.

Папа Францішак правёў сустрэчу з кіраўнікамі ўсіх ведамстваў Апостальскай Сталіцы. Яна адбылася раніцай 18 мая ў Балонскай зале Апостальскага палацу. У цэнтры ўвагі Святога Айца і ватыканскіх іерархаў было правядзенне Года Божай Міласэрнасці. Сустрэча праходзіла за закрытымі дзвярыма.

17 мая Папа Францішак здзейсніў кананізацыю чатырох законніц, якія жылі ў ХІХ ст.: францужанкі Жанны Эмілі дэ Вільнёў, італьянкі Крысціны Марыі Брандо і палестынак Марыям Бавардзі і Мары-Альфонсін Гатас.

16 мая Папа Францішак сустрэўся ў Ватыкане з законнікамі і законніцамі Рымскай дыяцэзіі. Звяртаючыся да іх, Пантыфік адзначыў, што сёння, як ніколі, «патрэбна быць цярплівымі і здольнымі прабачаць, не крытыкаваць», і прыкладам у гэтым можа стаць маці, якая не абражае сваё дзіця, нібыта мачаха.

30 мая Папа Францішак сустрэнецца з дзецьмі людзей, якія адбываюць пакаранне ў турмах. Сустрэча арганізавана Папскай радай па культуры ў рамках праекту “Падворак язычнікаў”, мэта якога заключаецца ў наладжванні глыбокага дыялогу і разумення паміж веруючымі і няверуючымі.

«Хрысціянскія супольнасці не могуць быць баязлівымі і сумнымі», — адзначыў Папа Францішак 15 мая падчас ранішняй Эўхарыстыі ў Ватыкане.