Кардынал Леанарда Сандры, прэфект Кангрэгацыі па справах Усходніх Касцёлаў, накіруецца ў Ірак, каб прынесці мясцовым жыхарам благаслаўленне Папы і падтрымаць улады краіны ў намаганнях на карысць хрысціян і іншых рэлігійных меншасцяў. Візіт ватыканскага іерарха будзе працягвацца з 1 па 5 мая.

Папа Францішак хацеў бы, каб, убачыўшы беднага ў храме, парафіяльныя супольнасці станавіліся на калені, поўныя глыбокай пашаны, як быццам да іх прыйшоў сам Пан. Гэтай марай Пантыфік падзяліўся ў відэапасланні да падапечных рымскай “Caritas”.

У сваім апошнім інтэрв’ю, якое вышла 27 красавіка на старонках The Wall Street Journal, Барак Абама высока ацаніў Папу Францішка і яго ролю ў барацьбе з беднасцю, ахове навакольнага асяроддзя і падтрымцы мірных ініцыятыў.

Папа Францішак сустрэўся з Генеральным сакратаром ААН Пан Гі Мунам, які прымае ўдзел у аднадзённым семінары ў Папскай акадэміі навук на тэму “Абараніць зямлю, зрабіць высакародным чалавецтва. Маральнае вымярэнне кліматычных зменаў і ўстойлівага чалавецтва”. Святы Айцец наведаў яе раніцай 28 красавіка, каб асабіста прывітаць высокага госця.

27 красавіка Папа Францішак прыняў на аўдыенцыі Каралеву Швецыі Сільвію, якую суправаджалі члены яе сям’і і прадстаўнікі афіцыйнай дэлегацыі. Падчас аўдыенцыі размова вялася на іспанскай мове — роднай для Пантыфіка. Яе добра ведае манаршая асоба, паведаміў кіраўнік Прэс-службы Апостальскай Сталіцы а. Фэдэрыко Ламбардзі. Каралева Сільвія паінфармавала Святога Айца аб дзейнасці Швецыі на карысць дзяцей, а Папа скарыстаўся магчымасцю, каб падзякаваць за адкрытасць краіны для бежанцаў і мігрантаў.

26 красавіка ў базыліцы св. Пятра Папа Францішак удзяліў сакрамэнт пасвячэння дзевятнаццаці дыяканам. “Станавіцца падобнымі да Хрыста – найвыйшэйшага і вечнага святара”, каб быць “прапаведнікамі Евангелля, пастырамі народу Божага”, заклікаў Святы Айцец у гаміліі.

Папа Францішак здзейcніць візіт на Кубу, адказваючы на запрашэнне мясцовых уладаў і каталіцкіх біскупаў, пацвердзіў 22 красавіка кіраўнік Прэс-службы Апостальскай Сталіцы а. Фэдэрыко Ламбардзі. Візіт Папы на востраў адбудзецца на шляху ў Злучаныя Штаты Амерыкі.

Папа Францішак прыняў 20 красавіка ў Ватыкане прадстаўнікоў Канферэнцыі еўрапейскіх рабінаў. Падчас сустрэчы яе старшыня рабін Пінхас Гольдшмідт і Яго Святасць адзначылі агульную занепакоенасць будучыняй рэлігіі ў Еўропе і абмеркавалі важнасць захавання рэлігійных свабод і каштоўнасцяў на кантыненце, гаворыцца ў спецыяльным паведамленні яўрэйскай асацыяцыі.

Сведчанне мучанікаў дапамагае нам не ўпасці ў спакусу ператварыць веру ва ўладу, лічыць Святы Айцец Францішак. Ён узначаліў 20 красавіка св. Імшу ў капліцы сваёй ватыканскай рэзідэнцыі.

Папа выказаў свой смутак з прычыны трагедыі, якая адбылася ў ноч на 19 красавіка каля італьянскага вострава Лампедуза, у водах Міжземнага мора. Там затанула лодка з мігрантамі. Ёсць паведамленні аб сотнях ахвяр.

18 красавіка Папа Францішак сустрэўся з удзельнікамі пленарнага пасяджэння Папскай акадэміі сацыяльных навук. У сваёй прамове да іх Пантыфік спаслаўся на Нагорнае казанне Хрыста і адзначыў, што “і сёння сярод патрабуючых братоў ёсць тыя, хто пакутуе ад трагедыі сучасных форм рабства, прымусовай працы, прастытуцыі, гандлю органамі, наркотыкаў”.

Калі ідэя паездкі Папы Францішка на Кубу рэалізуецца, гэты візіт стане этапам маючай адбыцца паездкі ў Злучаныя Штаты. Паведамленні СМІ на гэтую тэму пацвердзіў кіраўнік Прэс-службы Апостальскай Сталіцы а. Фэдэрыко Ламбардзі.

Летам 2015 г. Папа Францішак наведае тры краіны Лацінскай Амерыкі – Эквадор, Балівію і Парагвай. Аб гэтым гаворыцца ў адмысловым паведамленні кіраўніка Прэс-службы Апостальскай Сталіцы а. Фэдэрыко Ламбардзі, якое з’явілася 16 красавіка.

Тры падарожжы за межы Ватыкана, два з якіх у межах Італіі, чакаюць Святога Айца Францішка ў бліжэйшыя месяцы. 14 красавіка была апублікавана афіцыйная праграма мерапрыемстваў з удзелам Пантыфіка на красавік-чэрвень.