Перад выездам у Афганістан 350 салдатаў 9 Альпійскага стралковага палка з Абрузіі накіруюцца ў санктуарый св. Габрыэля ад Маці Божай Балеснай у Апенінах. Салдаты будуць прасіць святога, які з’яўляецца апекуном моладзі, аб заступніцтве.

19 ліпеня ў поўным абмундзіраванні яны падымуцца на вяршыню Гран Сассо (2912 м над паверхняй мора), дзе ля падножжа санктуарыя правядуць ноч. 20 ліпеня, як паведамляе КАІ, яны прымуць удзел у святой Імшы, падчас якой будзе асвячоны іх сцяг.

Традыцыя пілігрымаваць перад фронтам у мясцовасць Ізола дэль Гран Сассо існавала ў гэтым рэгіёне таксама ў часы абедзвюх сусветных войнаў.