Біскуп Хав’ер Радрыгес выступіў з крытыкай у адносінах да ўладаў некаторых штатаў Мексікі за адсутнасць дзейнасці ў сферы бяспекі. Як адзначыў іерарх, гэта прыводзіць да таго, што жыхары краіны нярэдка пачынаюць узбройвацца.

Віцэ-старшыня епіскапату Мексікі падкрэсліў, што акцыя раззбраення ў краіне атрымала поспех, аднак праблемы застаюцца ў некаторых штатах, дзе адбываецца гандаль наркотыкамі. «Людзі ўзбройваюцца, бо адчуваюць сябе пад пагрозай і прымаюць магчымыя меры абароны», — заўважыў іерарх, якога цытуе польская рэдакцыя Ватыканскага радыё.

У сваю чаргу старшыня епіскапату кардынал Хасэ Артэга выказаў надзею на тое, што ў хуткім часе грамадства Мексікі ўбачыць пазітыўныя вынікі раззбраення.

(AG)