Епіскапат ЗША апублікаваў заяву ў падтрымку зменаў да Акту па абароне дзяцей у інтэрнэце (Children’s Online Privacy Protection Act, COPPA) Федэральнай гандлёвай камісіі. Акт па абароне дзяцей у інтэрнэце быў прыняты Сенатам ЗША ў 1998 г. з мэтай дазволіць бацькам самім вырашаць аб магчымасці прадастаўлення інфармацыі пра дзяцей, меншых за 13 гадоў, вэб-аператарам і правайдэрам.

Змены да гэтага дакумента падтрымаў таксама грэчаскі праваслаўны Патрыярхат Амерыкі. «Гэтыя змены крайне неабходныя бацькам і дзецям у нашых парафіях. Яны працягваюць выказваць нам сваю боязь наконт захавання бяспекі дзяцей пры карыстанні інтэрнэтам», — адзначылі ў Патрыярхаце.

Як інфармуе Katolik.ru, бацькі ў ЗША часта непакояцца з-за змяшчэння ў інтэрнэце асабістай інфармацыі пра сваіх дзяцей (іх фатаграфій, відэа, месца пражывання).

Католікі і прадстаўнікі Грэчаскай Праваслаўнай Царквы ў ЗША складаюць больш за 77 мільёнаў чалавек і імкнуцца да таго, каб інтэрнэт быў бяспечным для ўсіх і асабліва для дзяцей. Вясной 2013 г. яны плануюць таксама выпусціць онлайн-дапаможнік па бяспецы ў інтэрнэце для бацькоў і рэлігійных супольнасцяў.

(AG)