58 гадоў таму, 25 студзеня 1959 г., Ян XXIII, у базыліцы святога Паўла за Мурамі, абвясціў аб скліканні Другога Ватыканскага Сабору. Гэта адбылося праз 3 месяцы пасля яго абрання на папскі пасад.

Мэцью Фэсцінг, які з 2008 года ўзначальваў Суверэнны рыцарскі Ордэн Гаспітальераў святога Яна Ерузалемскага, Родасу і Мальты, адмовіўся ад пасады па просьбе папы Францішка падчас сустрэчы 24 студзеня.

З кароткім візітам у Варшаву прыехалі каталіцкія біскупы Беларусі. 25 студзеня іерархі сустрэліся з прадстаўнікамі нямецкай дабрачыннай арганізацыі Renovabis, Папскага таварыства Дапамога Касцёлу на Усходзе пры польскім епіскапаце, а таксама з Канферэнцыяй Біскупаў ЗША. Гэта тры найбуйнейшыя інстытуцыі, якія ўжо многія гады дапамагаюць Касцёлу ў Беларусі.

Мэрыя невялікага аўстрыйскага горада Заальфельдэн адкрыла вакансію пустэльніка, які з красавіка па лістапад 2017 года будзе гатовы жыць у невялікай капліцы ў гарах на вышыні 1400 метраў над узроўнем мора.

«Жніво сапраўды вялікае, а работнікаў мала».

Заключным канцэртам у межах Калядных вечароў у мінскім касцёле Найсвяцейшай Тройцы (святога Роха) стала выступленне калектыва Brevis. Праграма ўключала творы Г.Ф. Гендэля, В. Длугарая, музыку невядомых аўтараў XVI-XVII стст.

Другі раз у гісторыі існавання Віцебскай дыяцэзіі адбылося экуменічнае набажэнства ў інтэнцыі адзінства хрысціянаў. Падзея адбылася 24 студзеня ў катэдральным касцёле Езуса Міласэрнага ў Віцебску ў межах Тыдня малітваў за адзінства хрысціянаў.

Ад імя Пантыфіка ў Сірыю вырушыў кс. прэлат Джамп’етра Даль Тосо, прадстаўнік Дыкастэрыі па служэнні інтэгральнаму развіццю чалавека. У суправаджэнні кардынала Марыё Цэнары, Апостальскага Нунцыя ў Сірыі, а таксама кс. прэлата Томаса Кабіба, канцлера нунцыятуры, 18–23 студзеня папскі пасланнік наведаў знішчанае вайною Алепа.