|
 Адрас:
вул. Зялёная, 78
Слуцкі р–н
Магілёўская вобл.
Рэспубліка Беларусь
223610
Тэл.: (8–01795) 22007, (8–01795) 57247
вРасклад набажэнстваў (магчымы змены)
- Св. Імша ў нядзелю — 10.45, 15.00
- Св. Імша ў будні — 18.00
вЗ гісторыі парафіі 
Парафія існуе з 1734 г., у 1671–1832 гг. дзейнічаў кляштар бэрнардынаў. Першую святыню ў гонар св. Антонія, якая была пабудавана ў Слуцку, напаткаў той жа лёс, што і большасць святыняў у Беларусі: пасля рэвалюцыі 1917 г. касцёл быў зачынены, пазней — разбураны.
Касцёл св. Антонія і кляштар францішканаў, помнік XVIII ст., згадваецца ў гістарычных крыніцах у 1734 г., калі адбываліся працы па рэканструкцыі драўляных будынкаў кляштара, які ў 1639 г. быў заснаваны мазырскім старастам Людвікам Самуэлем Аскеркам.
У 1832 г. кляштар скасаваны, а манахі пераведзены ў Нясвіж. Касцёл асвячаны як праваслаўны і ў 1833-45 гг. выкарыстоўваўся як палкавая царква, а кляштар быў прыстасаваны пад казармы. Пасля рэвалюцыі 1917 г. касцёл зачынены. Да 1925 г. у кляштарным будынку размяшчаўся ўезны ваенкамат, пазней тут знаходзіўся вайсковы шпіталь. Пасля Другой Ссусветнай вайны святыня была цалкам разбурана. У кляштарным будынку сёння размяшчаецца маслабаза. Да 1967 г. набажэнствы, якія цэлебраваў кс. Малыніч, праходзілі ў прыватным доме па вуліцы 14 Партызан. У 1990 г. пастырскую паслугу прыняў кс. Антоній Кочка. У 1992 г. у Слуцк вяртаюцца айцы францішкане з правінцыі Унебаўзяцця Найсвяцейшай Панны Марыі. З прыездам новага святара паступова распачалася будова касцёла і кляштара францішканаў. 8 снежня 1992 г. адбылося благаслаўленне зямлі пад будаўніцтва святыні арцыбіскупам Казімірам Свёнткам. Вясной 1993 г. распачалося будаўніцтва святыні і кляштарнага комплекса. 25 чэрвеня 1994 г. арцыбіскуп Казімір Свёнтэк умураваў вугланы камень. 11 лістапада 2000 г. адбылося асвячэнне новапабудаванай святыні. 17 чэрвеня 2017 года парафія св. Антонія ў Слуцку адзначыла срэбраны юбілей – 25 годдзе існавання касцёла.
|
Нарадзіўся 28 кастрычніка 1550 г. у Расткове (Польшча). У чатырнаццацігадовым узросце разам з братам пераехаў у Вену, каб вучыцца там у імператарскай гімназіі, якой займаліся езуіты. Там ён вырашыў сам уступіць у Таварыства Езуса, але бацькі не далі на гэта згоды, паколькі лічылі, што іх сын павінен зрабіць бліскучую свецкую кар’еру. 
Нарадзіўся 4 кастрычніка 1542 г. у Манпульчана (Італія) у арыстакратычнай сям’і, быў пляменнікам Папы Марцэла ІІ. У 18-гадовым узросце ўступіў у ордэн езуітаў і ў 1570 г. прыняў святарскае пасвячэнне. Па накіраванні ордэна некалькі гадоў працаваў у Лювэне (Бельгія), дзе ў той час шырока распаўсюджвалася пратэстанцтва. Там ён набыў вядомасць як добры тэолаг і прапаведнік. 
Спаведнік сястры Фаустыны быў узнесены да хвалы нябеснага алтара 28 верасня 2008 г. Урачыстая цырымонія адбылася а 10-й гадзіне на цвінтары касцёла Божай Міласэрнасці ў Беластоку (Польшча). З нагоды гэтай урачыстасці Вашай увазе прапануем серыю рэпартажаў, прысвечаных асобе кс. Міхала Сапоцькі і яго дзейнасці, а таксама беатыфікацыйнаму працэсу заснавальніка Апостальскага руху Божай Міласэрнасці. Для разважання будуць прапанаваны цытаты з духоўнага "Дзённіка" сястры Фаустыны.
