З 14 па 21 кастрычніка 2007 г. у мінскім архікатэдральным касцёле пад дэвізам «Трывайце моцна ў веры» праходзілі святыя місіі. Іх праводзілі айцы кармэліты босыя: духоўны айцец Міждыяцэзіяльнай вышэйшай духоўнай семінарыі імя св. Тамаша Аквінскага ў Пінску а. Аркадзь Куляха OCD і пробашч парафіі Святога апостала Андрэя ў Нарачы (Мядзельскі р-н) а. Бэрнард Радзік OCD. Прапануем вашай увазе запісы місійных гамілій, прамоўленых падчас святых Імшаў у гэтыя дні. Файлы ў фармаце mp3.
17 лістапада 2007 г. арцыбіскуп Мітрапаліт Мінска-Магілёўскі Тадэвуш Кандрусевіч, які цяпер знаходзіцца ў Рыме, прыняў удзел у канферэнцыі «Фаціма — маяк для чалавецтва», арганізаванай каталіцкім рухам «Святло з Усходу». Мітрапаліт выступіў з дакладам «15 гадоў Евангелізацыі Усходу», у якім пазнаёміў удзельнікаў з адраджэннем духоўнага жыцця і аднаўленнем касцёльных структураў на тэрыторыі былога Савецкага Саюза.
6 кастрычніка 2007 г. cвяты Айцец Бэнэдыкт XVI сустрэўся з каралём Саудаўскай Аравіі Абдалой ібн Абдэль–Азізам ас Саўдам. Як падкрэсліваюць сродкі масавай інфармацыі, візіт саудаўскага лідэра ў Ватыкан меў гістарычны характар не толькі з пункту гледжання беспрэцэдэнтнасці ўчарашняй сустрэчы, але і з увагі на неабходнасць міжрэлігійнага дыялогу перад абліччам такіх з’яваў, як масавая міграцыя, экстрэмізм і тэрарызм.
Новыя ўмовы евангелізацыі ў нашу эпоху постмадэрнізму патрабуюць ад настаўніка веры, прапаведніка і сведкі Евангелля адпаведнай падрыхтоўкі. Бэнэдыкт XVI нагадаў пра гэта падчас сустрэчы ў базыліцы святога Пятра са студэнтамі рымскіх навучальных установаў 25 кастрычніка 2007 г.
25 кастрычніка 2007 г. у Старой Зале Сінода ў Ватыкане адбылася прэзентацыя кнігі «Processus contra Templarios», арганізаваная па ініцыятыве Сакрэтнага Ватыканскага архіва і прысвечаная так званай справе ерасі Ордэна Бедных Рыцараў Хрыста і Святыні Саламона, больш вядомага як ордэн тампліераў.
У сераду 17 кастрычніка 2007 г., напрыканцы агульнай аўдыенцыі на плошчы Святога Пятра ў Ватыкане Папа Бэнэдыкт XVI абвясціў імёны новых кардыналаў. Пурпуровыя берэты і кардынальскія пярсцёнкі яны атрымаюць падчас кансісторыі, якая пройдзе ў Рыме 24 лістапада.
З 14 па 21 кастрычніка 2007 г. у мінскім архікатэдральным касцёле пад дэвізам «Трывайце моцна ў веры» праходзілі святыя місіі. Іх праводзілі айцы кармэліты
босыя: духоўны айцец Міждыяцэзіяльнай вышэйшай духоўнай семінарыі імя
св. Тамаша Аквінскага ў Пінску а. Аркадзь Куляха OCD і пробашч парафіі Святога апостала Андрэя ў Нарачы (Мядзельскі р-н) а. Бэрнард Радзік OCD. Прапануем вашай увазе запісы місійных гамілій, прамоўленых падчас святых Імшаў у гэтыя дні. Файлы ў фармаце mp3. 
