Гэта архіў старой версіі сайта. Новая версія знаходзіцца па адрасе catholic.by
Рыма-каталіцкі Касцёл у Беларусі
Святы Ян Павел II — папа
11.07.2015 22:28
Ян Павел II (Караль Юзэф Вайтыла) нарадзіўся 18 мая 1920 ў польскім горадзе Вадавіцэ каля Кракава. Гэта першы пантыфік-славянін.
Сям’я Вайтылы, а ў яго быў яшчэ старэйшы брат Эдмунд, жыла даволі сьціпла. Караль Вайтыла быў вельмі здольным хлопцам: ён добра вучыўся, рэгулярна гуляў у футбол і езьдзіў на лыжах, а таксама браў актыўны ўдзел у працы школьнага тэатру. Яшчэ ў дзяцінстве будучы Папа перажыў сьмерць самых блізкіх людзей — памерла ягоная маці і брат, а ў 1941 годзе памёр і ягоны бацька. У гэтым жа годзе Караль Вайтыла, які ўжо быў тады студэнтам факультэта польскай філалогіі Ягелонскага ўнівэрсытэту, што ў Кракаве, кінуў вучобу і пайшоў працаваць на фабрыку. У 1943 годзе будучы Папа нечакана кінуў тэатар і вырашыў вывучаць тэалогію ў некалькіх падпольных навучальных установах. Пасля заканчэння вайны Вайтыла працягнуў вучобу ў Рыме і стаў святаром.
У 1963 годзе Караль Вайтыла быў прызначаны архібіскупам Кракаўскім, а праз 4 гады атрымаў тытул кардынала.
16 кастрычніка 1978 году ў 18:44 вернікі, якія сабраліся на пляцы святога Пятра, каля Ватыкану пачулі афіцыйнае паведамленне: «Папа абраны — ім стаў кардынал Караль Вайтыла». 22 кастрычніка 1978 г. урачыста распасчаўся пантыфікат Вялікага Папы Яна Паўла II, які доўжыўся 27 гадоў і быў адным з самых працяглых пантыфікатаў ў гісторыі Каталіцкага Касцёла.
За час свайго служэння Папа здзейсніў 146 апостальскіх візітаў на тэрыторыі Італіі, 104 замежныя візіты, абвясціў 1338 чалавек благаслаўлёнымі і 482 чалавекі — святымі.
Сэрца пантыфіка, шырока адкрытае для ўсіх, а перадусім для Бога, перастала біцца 2 красавіка 2005 г.
Ян Павел II (Караль Юзэф Вайтыла) нарадзіўся 18 мая 1920 ў польскім горадзе Вадавіцэ каля Кракава. Гэта першы пантыфік-славянін.
11 ліпеня пасля наведвання педыятрычнай бальніцы ў Асунсьён Папа Францішак прыбыў у марыйны санктуарый у Каакупэ, дзе цэлебраваў святую Імшу. У гаміліі Пантыфік аддаў пашану Маці Божай і жанчынам Парагвая.
У межах адпустовых урачыстасцяў у санктуарыі Маці Божай Каралевы сем’яў у Тракелях падчас ранішняй Імшы 11 ліпеня неапрэзбітэры, якія ў апошнім годзе прынялі сакрамэнт святарства, дзякавалі Богу за дар паклікання. Таксама за 25 гадоў святарскага служэння дзякаваў кс. Ян Гавецкі, пробашч парафіі Свв. апосталаў Пятра і Паўла ў Іўі.
Аб тым, што кансэкраванае жыццё – гэта жыццё, прысвечанае сузіранню і апостальскім справам, казалі пілігрымам, сабраным у санктуарыі Маці Божай Каралевы сем’яў у Тракелях, законнікі і законніцы, якія служаць у Гродзенскай дыяцэзіі. У межах адпустовых урачыстасцяў у санктуарыі 11 ліпеня адбылася прэзентацыя манаскіх супольнасцяў.
11 ліпеня ў санктуарыі Маці Божай Каралевы сем’яў у Тракелях завяршыліся сёлетнія адпустовыя ўрачыстасці. У іх прынялі ўдзел вернікі з усёй Беларусі і з-за мяжы, якія прыбылі, каб сустрэцца з Маці Божай – Заступніцай і Суцяшальніцай.
“Парагвай вядомы з таго, што з’яўляецца сэрцам Амерыкі, і гэта не толькі з-за свайго геаграфічнага размяшчэння, але таксама з-за цеплыні гасціннасці і ветлівасці яе жыхароў”, - сказаў Папа Францішак падчас сустрэчы з прадстаўнікамі ўладаў краіны і дыпламатычнага корпуса 11 ліпеня ў садзе палаца Лапезаў у Асунсьён.
10 ліпеня Папа Францішак прыбыў у Парагвай, пачаўшы апошні этап свайго 8-дзённага падарожжа ў Лацінскую Амерыку. Раней Пантыфік наведаў Эквадор і Балівію. У міжнародным аэрапорце ў Асунсьён Святога Айца прывітаў падчас праліўнага дажджу Прэзідэнт краіны Мануэл Картес Хара.
Святую Імшу апоўначы ў межах урачыстасцяў у дыяцэзіяльным санктуарыі Маці Божай Каралевы сем’яў узначаліў дапаможны біскуп Мінска-Магілёўскай архідыяцэзіі Аляксандр Яшэўскі SDB. Іерарх з’яўляецца сынам гродзенскай зямлі, паходзіць са Смаргоні, і для Гродзеншчыны вялікі гонар, што ў апошні час чарговы яе сын быў прызначаны біскупам.
