12 ліпеня наша рэдакцыя завітала ў радашковіцкую парафію Найсвяцейшай Тройцы, каб разам з усёй парафіяй, а таксама гасцямі парафіі і нашымі сябрамі падчас святой Імшы ў малітве і пасля Імшы ў падрыхтаванай праграме прыгадаць вялікага паэта — Янку Купалу, які ў гэты ж дзень у 1882 годзе быў ахрышчаны ў гэтай святыні.

У Навагрудку ў кляштары сясцёр назарэтанак 6-13 ліпеня прайшлі рэкалекцыі для сем’яў на тэму «Божае Слова ў жыцці сям’і».

“Сяброўства з’яўляецца адным з найвялікшых дароў, што чалавек, малады чалавек, можа мець і можа прапанаваць. Гэта праўда! Як цяжка жыць без сяброў!” - заўважыў Папа Францішак у сваёй непрачытанай, але ўручанай маладым парагвайцам прамове. Пантыфік сустрэўся з моладдзю 12 ліпеня на бульвары Костанэра ля ракі Парагвай у Асунсьён.

Візіт Папы ў парагвайскі санктуарый Маці Божай у Каакупэ – свайго роду рэабілітацыя народнай пабожнасці, значэнне якой у апошнія дзесяцігоддзі ў некаторых асяроддзях Касцёла было моцна заніжана, лічыць кіраўнік Прэс-службы Апостальскай Сталіцы а. Фэдэрыко Ламбардзі, які суправаджаў Пантыфіка падчас яго лацінаамерыканскага падарожжа.

1 ліпеня біскуп Гродзенскі Аляксандр Кашкевіч уручыў дэкрэты 15 новым дэканам Гродзенскай дыяцэзіі. Дэканы склалі перад біскупам вызнанне веры і прысягу на вернае служэнне на сваёй пасадзе.

12 ліпеня ў Варшаве ў санктуарыі Маці Божай Настаўніцы моладзі адбылося адкрыццё 27-й Міжнароднай парафіяды дзяцей і моладзі. Імшу для спартоўцаў і гледачоў узначаліў біскуп Марыян Флорчык, адказны па справах душпастырства спартоўцаў у Польшчы.

З 5 па 9 ліпеня ў Слоніме пры парафіі Безаганнага Зачацця Найсвяцейшай Панны Марыі (Гродзенская дыяцэзія) прайшлі канікулы з Богам для моладзі, якая займаецца спортам. Арганізатарам мерапрыемства сталі душпастыр спартсменаў кс. Артур Малафей, а таксама ўвесь трэнерскі штаб футбольнага клуба «Слонім». Сярод удзельнікаў былі футбалісты, плаўцы, лёгкаатлеты, гандбалісты.