Да малітвы ў інтэнцыі Касцёла ў Кітайскай Народнай Рэспубліцы заклікаў вернікаў Святы Айцец Бэнэдыкт XVI падчас агульнай аўдыенцыі, якая адбылася 1 снежня 2010 г. Папа даверыў Касцёл у Кітаі, які перажывае «асабліва цяжкія хвіліны», малітвам католікаў усяго свету.

На значэнне прароцкай місіі Касцёла, яго ўдзелу ў грамадскім жыцці, абароне чалавечай годнасці і жыцця, а таксама клопаце аб найбяднейшых указаў Святы Айцец Бэнэдыкт XVI падчас аўдыенцыі, якую ўдзяліў біскупам Філіпін, якія знаходзяцца ў Ватыкане з візітам ad limina Apostolorum.

«Задача інфармацыйных органаў Касцёла — адважнае служэнне праўдзе, каб дапамагчы грамадскаму меркаванню ва ўспрыманні і разуменні рэчаіснасці з евангельскага пункту гледжання», — падкрэсліў Святы Айцец Бэнэдыкт XVI падчас сустрэчы з удзельнікамі Італьянскай федэрацыі каталіцкіх штотыднёвікаў. Да арганізацыі належаць 188 часопісаў з розных дыяцэзій Італіі.

«Ва ўсе эпохі Касцёл абавязвае да падпарадкавання логіцы служэння і Крыжа, сведчання аб ёй, каб сцвярджалася сапраўднае панаванне Бога, панаванне любові», — падкрэсліў Святы Айцец Бэнэдыкт XVI на кансісторыі, якая адбылася 20 лістапада 2010 г. у ватыканскай базыліцы. 24 іерархі падчас кансісторыі былі ўзвышаны Папам да кардынальскай годнасці.

Сёння падчас сустрэчы з кардыналамі Святы Айцец Бэнэдыкт XVI указаў на пагрозу рэлятывізму для сапраўднай свабоды. У Новай зале Сіноду ў Ватыкане прайшоў дзень рэфлексіі і малітвы Папы з іерархамі напярэдадні кансісторыі, якая адбудзецца заўтра, 20 лістапада 2010 г. У сустрэчы ўдзельнічалі каля 150 іерархаў, у тым ліку тыя, хто заўтра будзе ўзведзены Пантыфікам у кардынальскую годнасць.

Малітвай Брэвіярыя ў Новай зале Сіноду ў Ватыкане распачаўся дзень рэфлексіі і малітвы Святога Айца Бэнэдыкта XVI з Калегіяй кардыналаў. У ходзе яго будуць абмеркаваны пытанні новых выклікаў, звязаных са свабодай веравызнання ў свеце, значэнне літургіі ў паўсюдным Касцёле, эклезіялагічныя праблемы, адказ Касцёла на сексуальныя злачынствы, пераход англікан у каталіцызм.

Сёння, 18 лістапада 2010 г., Святы Айцец Бэнэдыкт XVI сустрэнецца з кіраўніком Англіканскай Царквы архіепіскапам Роўэнам Уільямсам. Архіепіскап прабывае ў Рыме ў сувязі з 50-гадовым юбілеем Папскай рады спрыяння хрысціянскаму адзінству.

Аб значэнні справы евангелізацыі, якую праводзіць Касцёл для будавання бразільскай адметнасці, нагадаў Святы Айцец Бэнэдыкт XVI падчас сустрэчы з групай біскупаў цэнтральна-ўсходняй часткі Бразіліі. Папа ўдзяліў аўдыенцыю іерархам, якія знаходзяцца ў Ватыкане з візітам аd limina Apostolorum.

У Ватыкане адбываюцца сустрэчы Святога Айца Бэнэдыкта XVI са старшынямі ведамстваў Рымскай Курыі. У рамках сустрэч абмяркоўваецца, між іншым, дзейнасць Папскай рады спрыяння новай евангелізацыі, задачай якой павінна быць супрацьдзеянне «ўнутранаму спусташэнню», якое развіваецца сёння ў рэгіёнах з даўняй хрысціянскай традыцыяй.

Святы Айцец Бэнэдыкт XVI выказаў удзячнасць пілігрымам з Чэхіі і Карпінето Рамано, з якімі сустрэўся ў ватыканскай базыліцы 10 лістапада 2010 г. у першай частцы агульнай аўдыенцыі. Папа падзякаваў чэшскім пілігрымам, асабліва прадстаўнікам грамадскага жыцця, епіскапату, духавенству і свецкім вернікам за сардэчнае прыняцце, аказанае яму ў верасні 2009 г.

18 снежня 2010 г. Святы Айцец Бэнэдыкт XVI наведае Ватыканскую бібліятэку, якая адкрылася 20 верасня гг. пасля трох гадоў рамонту. Сёння ў прэс-службе бібліятэкі адбылася прэс-канферэнцыя, падчас якой было паінфармавана аб выстаўцы і навуковым сімпозіўме, якія адбудуцца там.

«Пазітыўны вынік навукі дваццаць першага стагоддзя ў значнай меры залежыць ад здольнасці вучоных да пошуку праўды і выкарыстання адкрыццяў такім чынам, які адпавядае пошуку таго, што справядлівае і добрае», — адзначыў Святы Айцец Бэнэдыкт XVI 28 кастрычніка 2010 г. падчас сустрэчы з удзельнікамі пленарнага пасяджэння Папскай Акадэміі навук. Пасяджэнне прысвечана тэме «Навуковае пасланне ХХ стагоддзя».

28 кастрычніка 2010 г. Святы Айцец Бэнэдыкт XVI удзяліў аўдыенцыю каталіцкім біскупам з паўночна-ўсходняй часткі Бразіліі, якія знаходзяцца з візітам аd limina Apostolorum у Ватыкане. Папа заклікаў іерархаў да бескампраміснай абароны чалавечага жыцця, падкрэсліўшы, што яны не павінны баяцца супраціўлення і непапулярнасці, пазбягаючы ўсялякіх кампрамісаў і двухсэнсоўнасці, якія прыпадобнілі б іх да ментальнасці гэтага свету.

Аб асаблівым месцы і значэнні прац Эрыка Пэтэрсана, нямецкага пратэстанцкага тэолага, які ў 1930 г. перайшоў у каталіцызм, нагадаў Святы Айцец Бэнэдыкт XVI падчас сустрэчы з удзельнікамі навуковага сімпозіўму ў Рыме, арганізаванага з нагоды 50-годдзя смерці гэтага дзеяча.

Аб укладзе веры ў развіццё грамадства, абароне каштоўнасці чалавечага жыцця і сям’і і аб значэнні хрысціянскіх каранёў Еўропы казаў Святы Айцец Бэнэдыкт XVI падчас сустрэчы з новымі пасламі Партугаліі, Славеніі і Эквадора ў Ватыкане. 22 кастрычніка 2010 г. Папа ўдзяліў паслам аўдыенцыі.

21 кастрычніка 2010 г. Святы Айцец Бэнэдыкт XVI удзяліў аўдыенцыю паслу Румыніі ў Ватыкане Багдану Татару-Казабану. Як адзначыў падчас сустрэчы Папа, сёння, пасля атрымання Румыніяй свабоды і яе ўваходу ў Еўрасаюз, што стала «важным этапам у пошуку сапраўднай дэмакратыі», краіне трэба адказваць на новыя выклікі.