У Вялікую пятніцу Святы Айцец Францішак узначаліць у рымскім Калізеі першы ў сваім Пантыфікаце Крыжовы шлях. Сёлетнія разважанні да набажэнства падрыхтавала па просьбе Бэнэдыкта XVI ліванская моладзь разам з мараніцкім Патрыярхам Бехарам Раі.

24 сакавіка на заканчэнне літургіі Пальмовай нядзелі папа Францішак звярнуўся да вернікаў з кароткім разважаннем перад малітвай «Анёл Панскі». «Будзем прасіць заступніцтва Найсвяцейшай Панны Марыі, каб суправаджала нас у Вялікі тыдзень», — сказаў Пантыфік.

Літургія Пальмовай нядзелі сабрала на плошчы Святога Пятра ў Ватыкане вялікія масы вернікаў з усяго свету. На пачатку Імшы папа Францішак асвяціў пальмовыя галіны.

Навіна аб тым, што ў Вялікі чацвер папа Францішак наведае рымскую калонію для непаўналетніх «Casal del Marmo» і падчас Імшы Вячэры Пана абмые ім ногі, выклікала вялікае здзіўленне ў зняволеных і супрацоўнікаў калоніі.

22 сакавіка папа Францішак цэлебраваў святую Імшу для людзей «менш заўважных» у Ватыкане — садоўнікаў і тых, хто даглядае за чысцінёй на плошчах і вуліцах. Літургія прайшла ў цёплай, сямейнай атмасферы ў капліцы Дома св. Марты, дзе Пантыфік пражывае, пакуль адбываецца ўпарадкаванне яго апартаментаў у Апостальскім палацы.

28 сакавіка, у Вялікі чацвер, у 17.30 па італьянскім часе папа Францішак узначаліць Імшу Вячэры Пана ў рымскай калоніі для непаўналетніх «Casal del Marmo». Прэс-служба Апостальскай Сталіцы прадставіла праграму мерапрыемстваў з удзелам Папы.

На важныя элементы ў гаміліі папы Францішка, прамоўленай падчас інаўгурацыйнай святой Імшы 19 сакавіка, звяртае ўвагу галоўны рэдактар ватыканскага выдання «L’Osservatore Romano» Джаванні Марыя Віян. Журналіст асабліва вылучае заклік Пантыфіка не баяцца быць добрымі і нават пяшчотнымі.

На папскім профілі ў «Твітэры» прыводзяцца фрагменты з гаміліі папы Францішка, прамоўленай падчас урачыстай інаўгурацыйнай святой Імшы 19 сакавіка. Цырымонія інаўгурацыі распачалася сёння ў 9.30 па італьянскім часе.

Цырымонія інаўгурацыі Пантыфікату Святога Айца Францішка адбылася 19 сакавіка ў Апостальскай Сталіцы. У ёй удзельнічалі 132 афіцыйныя дэлегацыі розных краін і міжнародных арганізацый, 33 дэлегацыі ад розных веравызнанняў і каля 200 тысяч вернікаў. Беларусь прадставілі Мітрапаліт Мінска-Магілёўскі арцыбіскуп Тадэвуш Кандрусевіч і дэлегацыя на чале са старшыней Савета Рэспублікі Анатолем Рубінавым.

Пра сутнасць служэння Наступніка Пятра казаў Святы Айцец Францішак у гаміліі падчас інаўгурацыйнай святой Імшы ў Ватыкане 19 сакавіка. Пантыфік адзначыў, што Папа, каб выконваць сваю ўладу, павінен «з любоўю і чуласцю прымаць усё чалавецтва, асабліва найбяднейшых, найслабейшых і найменшых».

Сёння, 19 сакавіка, у Апостальскай Сталіцы адбываецца інаўгурацыя Пантыфікату Святога Айца Францішка. Цырымонія пачалася каля магілы апостала Пятра, пад галоўным алтаром, а потым працэсія прайшла на галоўную ватыканскую плошчу — месца мучаніцкай смерці Князя Апосталаў, якую раней займаў цырк Нерона.

Пярсцёнак папы Францішка будзе не залатым, а толькі з пазалочанага срэбра. Аб гэтым паінфармаваў кіраўнік Прэс-службы Апостальскай Сталіцы кс. Фэдэрыка Ламбардзі, які таксама падзяліўся падрабязнасцямі аб парадку інаўгурацыйнай Імшы, якая адбудзецца 19 сакавіка.

«Для мяне наймацнейшае пасланне Пана — міласэрнасць», — адзначыў Святы Айцец Францішак падчас ранішняй літургіі 17 сакавіка ў парафіі Святой Ганны. Папа падкрэсліў прыгажосць сцэны з Евангелля, дзе гаворыцца аб сустрэчы Хрыста з жанчынай, злоўленай на чужаложстве.

У наступную суботу, 23 сакавіка, папа Францішак наведае Кастэль Гадольфа, дзе сустрэнецца з Рымскім Пантыфікам на пенсіі Бэнэдыктам XVI. Аб гэтым паінфармавала Прэс-служба Апостальскай Сталіцы, якая прадставіла таксама план іншых мерапрыемстваў з удзелам Святога Айца ў бліжэйшыя дні.

«Без крыжа мы можам быць святарамі, біскупамі, кардыналамі, Папамі, але не вучнямі Пана», — падкрэсліў новаабраны папа Францішак у імправізаванай гаміліі падчас сваёй першай святой Імшы як Рымскага Пантыфіка ў Сікстынскай капэле. У літургіі ўдзельнічалі 114 кардыналаў-выбаршчыкаў.

«Навяртанне магчымае як ласка, калі з’яўляецца дзеяннем Бога, плёнам веры ў Яго міласэрнасць. Яно становіцца канкрэтнай рэчаіснасцю нашага жыцця толькі тады, калі ласка Бога пранікае нас», — падкрэсліў Святы Айцец Бэнэдыкт XVI падчас святой Імшы ў Папяльцовую сераду 13 лютага. На літургію прыбыла мноства вернікаў, каб развітацца з Пантыфікам.

«Дзякуем за прыклад простага і пакорнага працаўніка ў вінаградніку Пана, працаўніка, які ўмеў кожную хвіліну рабіць тое, што найважнейшае: несці Бога людзям і весці людзей да Бога», — такімі словамі падзякаваў Святому Айцу Бэнэдыкту XVI Дзяржаўны сакратар Яго Святасці кардынал Тарчызіо Бэртонэ падчас святой Імшы ў Папяльцовую сераду, 13 лютага.

Як i кожны месяц, на люты 2013 года Святы Айцец Бэнэдыкт XVI давярае малітвам вернікаў дзве інтэнцыі: агульную і місійную. Першая з іх датычыць сем’яў мігрантаў і народаў, якія пакутуюць з прычын войнаў.

«Радасць кансэкраванага жыцця заўсёды праходзіць праз удзел у крыжы Хрыста», — з такімі словамі Бэнэдыкт XVI звярнуўся да ўдзельнікаў святой Імшы, якая 2 лютага, у свята Ахвяравання Пана, прайшла ў ватыканскай базыліцы. У гаміліі Папа паразважаў аб прадстаўленні гэтай падзеі ў Святым Пісанні і даў некаторыя парады кансэкраваным асобам.

Насычаная праграма чакае Пантыфіка ў бліжэйшыя месяцы. Прэс-служба Апостальскай Сталіцы апублікавала каляндар цэлебрацый, якія з лютага па сакавік узначаліць Святы Айцец.