Адпуст у мінскай парафіі Святога Францішка Асізскага

Беларусь - Мінска-Магілёўская архідыяцэзія

30.09.2009 16:58

4 кастрычніка 2009 г. у мінскай парафіі Святога Францішка Асізскага адбудзецца адпустовая літургія. Урачыстая святая Імша, якую ўзначаліць а. Андрэй Жылевіч OFMCap, віцэ-правінцыяльны міністр Ордэна Меншых Братоў Капуцынаў у Беларусі, будзе цэлебравацца ў 12.30 у касцёле Найсвяцейшай Тройцы (Св. Роха) на Залатой Горцы. Пробашч парафіі Святога Францішка Асізскага а. Алег Шэнда OFMCap і ўсе вернікі шчыра запрашаюць прыняць удзел у супольнай малітве.