Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Амерыканскі гітарыст кс. Стэн Фартуна і польскі рэжысёр Дамінік Тарчыньскі стануць гасцямі сустрэчы моладзі ў Івянцы
Беларусь - Мінска-Магілёўская архідыяцэзія
13.03.2013 17:26

Музыкант са Злучаных Штатаў Амерыкі кс. Стэн Фартуна і аўтар шматлікіх рэлігійных фільмаў з Польшчы рэжысёр Дамінік Тарчыньскі прымуць удзел у ІІІ Усебеларускай сустрэчы моладзі, якая пройдзе ў Івянцы з 26 па 28 ліпеня.

Пра гэта стала вядома падчас пасяджэння арганізацыйнага камітэта ІІІ Усебеларускай сустрэчы моладзі, якое ўзначаліў Мітрапаліт Тадэвуш Кандрусевіч.

Сустрэча моладзі ў Івянцы сёлета будзе насіць міждыяцэзіяльны характар: прыняць у ёй удзел змогуць маладыя вернікі з усёй Беларусі.

Чакаецца, што гасцямі сустрэчы стануць рэжысёр з Польшчы Дамінік Тарчыньскі і амерыканскі прафесійны бас-гітарыст кс. Стэн Фартуна, які ўдзельнічаў у Сусветных Днях моладзі ў аўстралійскім Сіднэі (аўтар больш за 18 музычных дыскаў).

Адказным за рэалізацыю праграмы міждыяцэзіяльнай сустрэчы моладзі прызначаны кс. Юрый Санько, дапамагаць яму ў ажыццяўленні запланаванай праграмы будуць а. Лех Баханэк OFMConv, кс. Віталій Драздоўскі і кс. Кірыл Бардонаў.

Усебеларуская малітоўная сустрэча моладзі пройдзе ў Івянцы ў трэці раз. З 26 па 28 ліпеня беларуская моладзь збярэцца ў Івянцы, каб у малітоўнай еднасці з’яднацца з удзельнікамі Сусветнай сустрэчы моладзі з Папам Рымскім, якая ў тыя ж дні будзе праходзіць у бразільскім Рыа-дэ-Жанейра.

Папярэднічаць адкрыццю малітоўнай сустрэчы будзе штогадовая «Музычная майстэрня». Наступнае пасяджэнне арганізацыйнага камітэта з удзелам прадстаўнікоў усіх дыяцэзіі Беларусі пройдзе 9 красавіка ў Івянцы.

Кс. Кірыл Бардонаў

 

Пры выкарыстанні матэрыялаў сайта спасылка на Catholic.By абавязкова.