3 красавіка, у нядзелю Божай Міласэрнасці, у парафіі Найсвяцейшай Тройцы ў г. Бяроза сабраліся вернікі Пружанскага дэканату Пінскай дыяцэзіі — з Шарашова, Перадзельска, Пружанаў, Івацэвічаў, Косава, Вулькі Касаўскай, Ружанаў, Сігневічаў, Белаазёрска і самой Бярозы — разам са сваімі пробашчамі.

Вернікі прайшлі праз Брамы Міласэрнасці, адчыненыя ў касцёле ў Бярозе з нагоды Юбілейнага Года Божай Міласэрнасці.

Таксама яны прынялі ўдзел у святой Імшы, якую ўзначаліў дэкан Пружанскага дэканату кс. Ян Саламон. Гамілію прамовіў кс. Яўген Эйсмант SAC.

(AG)