Малады чалавек! Ці ведадаеш ты, што можна весяліцца, славячы Бога? Можна ўсё ў сваім жыцці чыніць на хвалу Стварыцеля: маліцца, працаваць, вучыцца, адпачываць, праводзіць час з роднымі і сябрамі.

Падчас сёлетняй, ужо пятай Дыяцэзіяльнай сустрэчы моладзі ў Браславе, акрамя малітвы і сузірання быў таксама майстар-клас па танцах. Пробашч мясцовай парафіі кс. Лешэк Вітвіцкі SDS вучыў удзельнікаў сустрэчы танцаваць. З вялікай ахвотай і запалам у вачах моладзь паўтарала рухі. Не было ў іх сінхрону, аднак у кожнага была ўсмешка на твары.