Папа Францішак скіраваў відэапасланне да народа Босніі і Герцагавіны з нагоды апостальскага падарожжа ў Сараева, якое здзейсніць 6 чэрвеня. Святы Айцец адзначыў, што сваім візітам жадае ўмацаваць у веры мясцовых католікаў, падтрымаць экуменічны і міжрэлігійны дыялог і, перш за ўсё, заахвоціць да мірнага суіснавання ў краіне.

1 чэрвеня Папа Францішак наведаў сядзібы чарговых ведамстваў Рымскай курыі. Пантыфік пабываў у будынку, размешчаным на плошчы Пія XII, побач з плошчай св. Пятра.

Таямніца Найсвяцейшай Тройцы аб’ядноўвае хрысціян і ўсіх людзей добрай волі – гэта было лейтматывам разважанняў Святога Айца перад малітвай “Анёл Панскі” 31 мая, ва ўрачыстасць Найсвяцейшай Тройцы. Папа заклікаў будаваць касцёльныя супольнасці паводле “трынітарнай мадэлі”, што дазволіць абвяшчаць Евангелле не толькі словам, але і Божай моцай.

30 мая ўжо ў трэці раз у Ватыкан прыехаў “Дзіцячы цягнік”, у якім прыбылі 200 дзяцей зняволеных. Праект, арганізатарам якога з’яўляецца Папская рада па культуры ў рамках ініцыятывы “Падворак язычнікаў”, уключыў дзяцей тых, хто адбывае пакаранне ў трох турмах: у Бары, Тэрні і Рыме.

Міністр замежных спраў Украіны Паўло Клімкін правёў у Ватыкане шэраг сустрэч. 27 мая ён сустрэўся з Папам Францішкам, днём раней - з Дзяржсакратаром Яго Святасці кардыналам П’етро Паралінам і сакратаром па адносінах Святога Пасаду з дзяржавамі арцыбіскупам Полам Галахерам.

29 мая Папа Францішак прыняў у капліцы Дома св. Марты групу цяжка хворых дзяцей разам з іх бацькамі і валанцёрамі, паведаміла Прэс-служба Апостальскай Сталіцы. Дзеці прымаюць удзел у пілігрымцы ў Лурд і Ларэта, у прыватнасці, у рамках акцыі “Цягнік радасці”.

«Сапраўдная вера, адкрытая на іншых і на прабачэнне, чыніць цуды», — адзначыў Папа Францішак 29 мая падчас ранішняй Эўхарыстыі ў Ватыкане. У евангельскім ўрыўку, на які спаслаўся Пантыфік, гаворка ідзе пра тры вобразы: смакоўніцу, якая не дае пладоў, мянялаў і гандляроў галубамі ў ерузалемскай святыні і чалавека веры. Усе яны, на думку Святога Айца, прадстаўляюць розныя жыццёвыя пазіцыі.

28 мая Папа Францішак прыняў на аўдыенцыі Прэзідэнта Харвацкай Рэспублікі Калінду Грабар-Кітаравіч, якая затым сустрэлася з Дзяржсакратаром Яго Святасці кардыналам П'етро Паралінам і сакратаром па адносінах Святога Пасаду з дзяржавамі арцыбіскупам Полам Галахерам.

Існуюць хрысціяне, якія аддаляюць людзей ад Езуса. Звычайна гэта асобы, зацікаўленыя выключна ўласнымі адносінамі з Богам і дасягненнем прыватных мэтаў. На шчасце, у Касцёле ёсць і тыя, хто па-сапраўднаму прыслухоўваецца да воклічу людзей, патрабуючых Бога, заўважыў Папа Францішак 28 мая падчас ранішняй Эўхарыстыі ў Ватыкане.

Апостальская Сталіца заклікае перагледзець нормы абароны журналістаў, якія працуюць у зонах узброеных канфліктаў. З такой заявай выступіў прадстаўнік Святога Пасаду пры ААН арцыбіскуп Бернардзіта Ауса 27 мая падчас нью-ёркскай канферэнцыі, прысвечанай гэтай праблематыцы.

Юрыдычнае прызнанне партнёрскіх саюзаў паміж асобамі аднаго полу ў Ірландыі азначае паразу не толькі для хрысціянскіх прынцыпаў, але і для чалавецтва: такім чынам Дзяржсакратар Папы кардынал П’етро Паралін пракаментаваў вынікі рэферэндуму на Зялёным Востраве 24 мая, які легалізаваў заключэнне гомасексуальных саюзаў.

Папа Францішак нагадаў аб важнасці перыяду заручынаў і глыбокай падрыхтоўкі будучых сужонкаў да заключэння саюзy на ўсё жыццё. Гэтай тэме Пантыфік прысвяціў сваю катэхезу 27 мая падчас агульнай аўдыенцыі ў Ватыкане.

Прэфект Кангрэгацыі Божага Культу і Дысцыпліны Сакрамэнтаў заклікаў не чакаць ад кастрычніцкай асамблеі Сінода Біскупаў на тэму сям’і нейкіх рэвалюцыйных змен у справе св. Камуніі для разведзеных, якія жывуць у новых несакрамэнтальных саюзах. Кардынал Рабер Сара выразна заявіў, што ніякіх змен у гэтай тэматыцы не можа быць, таму што не можна змяніць Евангелле.

Папа Францішак удзельнічае ў пасяджэнні Рады Сакратарыяту Сінода Біскупаў, якое праходзіць 25-26 мая ў Ватыкане і звязана з падрыхтоўкай да біскупскай асамблеі, што адбудзецца ў кастрычніку на тэму сям’і і сужэнства.

Папа Францішак даў інтэрв’ю аргенцінскаму часопісу La voz del pueblo, у якім распавёў пра свае аўдыенцыі і сустрэчы з людзьмі, пагрозы замаху, спачуванне пакутам дзяцей і вязняў, абяцанне Маці Божай не глядзець тэлевізар і жаданне выйсці ў горад на піцу.