12 красавіка Папа Францішак узначаліць літургію з нагоды стагоддзя «Вялікага ліхадзейства» — сістэматызаванага фізічнага знішчэння армян на тэрыторыях, падкантрольных Асманскай імперыі, у перыяд з 1915 па 1918 гг. Літургія ў армянскім абрадзе пройдзе ў ватыканскай базыліцы св. Пятра.

На заканчэнне агульнай аўдыенцыі 8 красавіка Папа Францішак меў кароткую размову з італьянскім святаром кс. Рэната К’ера — заснавальнікам каталіцкай дабрачыннай арганізацыі «Сasa do Menor» (Дом малых) у Бразіліі, якая налічвае каля 80 структур для дзяцей: прытулкаў, дзіцячых садкоў, спартзалаў, дамоў адпачынку, цэнтраў лячэння ад нарказалежнасці.

Дзеці ніколі не з’яўляюцца «памылкай», а адказнасць за іх голад, беднасць, пакінутасць і неадукаванасць ляжыць на дарослых, адзначыў Папа Францішак падчас агульнай аўдыенцыі 8 красавіка на плошчы св. Пятра. У сваёй чарговай катэхезе з цыклу, прысвечанага сям’і, Пантыфік казаў аб пакутах шматлікіх дзяцей.

6 красавіка, звяртаючыся да вернікаў з вакна Апостальскага палацу Ватыкана, Папа асаблівым чынам прывітаў дэлегацыю каталіцкага руху «Шалом», члены якога правялі ў Рыме эстафету салідарнасці, з мэтай прыцягнення ўвагі грамадскасці да пераследу вызнаўцаў Хрыста ў свеце.

Вера ва ўваскрасенне Езуса і надзея, якую Ён прынёс, – гэта самы цудоўны дар, якім хрысціяне могуць і павінны дзяліцца з іншымі людзьмі, сказаў Папа Францішак перад малітвай “Уладарка неба” 6 красавіка, у велікодны панядзелак, на плошчы св. Пятра.

Увайсці ў таямніцу смерці і ўваскрасення Езуса заклікаў Папа Францішак падчас літургіі Паcхальнай вігіліі, якую ўзначаліў у базыліцы св. Пятра вечарам 4 красавіка. Падчас яе Пантыфік удзяліў сакрамэнт хросту дзесяці асобам з Італіі, Албаніі, Кеніі, Камбоджы і Партугаліі.

Асуджэнне культуры суперніцтва, пажаданне міру для Украіны, Блізкага Усходу і Афрыкі, лёс ахвяраў гандляроў наркотыкамі і свету, падпарадкаванага гандлярам зброяй – гэтыя тэмы былі цэнтральнымі ў пасланні, з якім Папа Францішак звярнуўся 5 красавіка перад благаслаўленнем “Urbi et Orbi”.

Крыжовы шлях Езуса Хрыста – гэта абагульненне ўсяго Яго жыцця, ікона Яго паслухмянасці волі Айца і рэалізацыя Яго бясконцай любові да грэшнікаў, - з такімі словамі Папа Францішак звярнуўся да вернікаў падчас набажэнства Крыжовага шляху, які адбыўся вечарам 3 красавіка ў рымскім Калізеі.

Сярод асобаў, якім Папа абмыў ногі, былі зняволеныя з Італіі, Бразіліі, Нігерыі, Эквадора – мужчыны і жанчыны, адна з якіх была з дзіцём. Святы Айцец ў традыцыйнай яму манеры не толькі абмываў ім ногі, але і цалаваў іх, а вязні не хавалі сваіх слёз.

2 красавіка ў ватыканскай базыліцы Папа Францішак узначаліў святую Імшу Хрызму. Цэнтральнай тэмай гаміліі Пантыфіка была святарская стомленасць і спосабы яе пераадолення.

Увайсці ў таямніцу смерці і ўваскрасення Езуса Хрыста, а не абмяжоўвацца толькі ўспамінам пра яе, заклікаў Папа Францішак падчас агульнай аўдыенцыі на плошчы св. Пятра 1 красавіка. Катэхезу Пантыфік прысвяціў значэнню Святога Пасхальнага Трыдуума, які пачнецца 2 красавіка – у Вялікі чацвер – Імшой Вячэры Пана.

31 сакавіка Папа Францішак прызначыў прэфектам Кангрэгацыі Каталіцкай Адукацыі кардынала Джузэпэ Версальдзі, які да гэтага часу быў старшынёй Прэфектуры эканамічных спраў Апостальскай Сталіцы.

Урачыстасць Пальмовай нядзелі на плошчы св. Пятра пад кіраўніцтвам Папы Францішка 29 сакавіка распачала святкаванне Вялікага тыдня ў Ватыкане, галоўныя набажэнствы якога ўзначаліць сам Пантыфік.

Выбіраць шлях пакоры, а не поспеху, заклікаў Папа Францішак падчас урачыстасці Пальмовай нядзелі 29 сакавіка ў Ватыкане. Святы Айцец адзначыў, што шлях пакоры - гэта служэнне іншым і, у першую чаргу, тым, хто церпіць пераслед толькі таму, што з’яўляецца хрысціянінам, а шлях поспеху – мірскі падыход, які базуецца на ганарыстасці і славалюбстве.

Папа Францішак скіраваў спецыяльны ліст з нагоды 500-годдзя з дня нараджэння св. Тэрэзы ад Езуса, якое стала нагодай для падзякі “вялікай кармэлітанскай сям’і” за “харызмат гэтай выдатнай жанчыны” - прыкладу “поўнай самааддачы Богу”.