Яшчэ адным сведчаннем драматычнай сітуацыі, у якой прабывае сірыйскі народ, назваў Святы Айцец выкраданне двух праваслаўных іерархаў каля Алепа. Папа Францішак з занепакоенасцю адзначыў, што ў гэтай частцы Блізкага Усходу насілле і зброя працягваюць сеяць смерць і пакуты.

«Я зноў кірую заклік, які зрабіў у Велікодную нядзелю, аб заканчэнні кровапраліцця», — сказаў Папа на заканчэнне агульнай аўдыенцыі 24 красавіка. Як інфармуе Ватыканскае радыё, Пантыфік дадаў, што трэба забяспечыць неабходнай гуманітарнай дапамогай насельніцтва Сірыі і шукаць палітычнага рашэння крызісу.

22 красавіка Мітрапаліты Алепа Павел Язігі і Іаан Ібрагім былі выкрадзены невядомымі і вывезены ў Турцыю. Аўтамабіль Мітрапаліта Паўла падвергнуўся нападу. Дыякан, які вёў машыну, быў забіты.

(AG)