Швейцарскі парламент не падтрымаў прапанову забараніць мусульманскім жанчынам насіць хусткі. Як паведамляе швейцарскае каталіцкае агенцтва навін KIPA, Нацыянальная Рада Швейцарыі 28 верасня 2012 года адхіліла адпаведную грамадзянскую ініцыятыву з кантона Ааргау. Супраць забароны выступілі 87 дэпутатаў з 93-х, яшчэ трое — устрымаліся.

 

Грамадзянская ініцыятыва з Ааргау прапаноўвала забараніць ва ўсёй Швейцарыі прадметы адзення, якія цалкам або пераважна хаваюць твар чалавека. Паводле ацэнак дзяржпалітычнай камісіі парламента такая забарона была б адноснай: на сёння ў Швейцарыі не знойдзецца жанчын, якія, кіруючыся сваімі рэлігійнымі перакананнямі, цалкам хавалі б свой твар. Да таго ж такі закон быў бы негатыўным сігналам для турыстаў-мусульман. 

 

У Еўропе закон, які забараняе нашэнне буркі, прыняты ў Францыі і Бельгіі. За забарону нашэння буркі выказваецца і кіраўніцтва Нідэрландаў.