Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Іранскія ўлады пераследуюць хрысціянскія хатнія касцёлы
15.04.2013 12:06

Іранскія рэлігійныя і дзяржаўныя ўлады занепакоены дынамічным развіццём хрысціянскіх хатніх касцёлаў. Паліцыя ў правінцыі Харасан-Рэзаві шукае сетку тайных супольнасцяў вернікаў. Некаторыя з іх ужо ўдалося выкрыць, іх прадстаўнікі арыштаваны.

Як адзначае польская рэдакцыя Ватыканскага радыё са спасылкай на іранскія СМІ, тайныя хрысціянскія супольнасці ў Іране часцей утвараюць тыя, хто перайшоў з ісламу ў хрысціянства і мусіць захоўваць сваю веру ў сакрэце. Святыні, дзе збіраюцца такія вернікі, найчасцей трапляюць пад увагу службаў бяспекі, таму хрысціяне вымушаны збірацца ў прыватных дамах. Часта яны не маюць доступу ні да святароў, ні да рэлігійнай літаратуры.

Развіццё хатніх касцёлаў выклікае непакой ісламскіх уладаў Ірана, якія загадваюць паліцыі распраўляцца з хрысціянамі.

(AG)

 

Пры выкарыстанні матэрыялаў сайта спасылка на Catholic.By абавязкова.

Спасылкі па тэме