29 кастрычніка на базе дзяржаўнай установы «Акадэмія паслядыпломнай адукацыі» ў адпаведнасці з планам працы Міністэрства адукацыі Рэспублікі Беларусь і Рэспубліканскім каардынацыйным планам на 2014 год адбыўся другі этап рэспубліканскага семінара «Павышэнне эфектыўнасці рэгіянальнай сістэмы аховы дзяцінства».

Міжнародная каталіцкая асацыяцыя для камунікацыі Signis атрымала кананічны статус. Адпаведныя дэкрэты Папскай рады па справах свецкіх былі ўручаны яе кіраўнікам падчас ўрачыстай цырымоніі ў Ватыкане 28 кастрычніка.

Святы Айцец узгадаў пра зніклых 26 верасня 2014 г. 43 мексіканскіх студэнтаў — удзельнікаў маніфестацыі супраць рэформы сістэмы адукацыі, якія паводле версіі паліцэйскіх маглі быць выкрадзены і забіты па загадзе тагачаснага мэра горада Ігуале, звязанага з крымінальнымі групоўкамі, які на дадзены момант хаваецца ад следства.

Сацыяльныя прагнозы сталіся часткаю нашага жыцця. Прагназуюць усё. Напрыклад, якія касцюмы на бліжэйшы Хэлоўін будуць у топе. Аказалася, на думку некаторых, гэта будзе касцюм віруса Эбола альбо касцюм урача-вірусолага.

Папа Францішак выказаў заклапочанасць з прычыны распаўсюджвання эпідэміі Эбола, якая асаблівым чынам закранае афрыканскі кантынент і яго самыя бедныя слаі насельніцтва. На заканчэнне агульнай аўдыенцыі 29 кастрычніка Святы Айцец звярнуўся са спецыяльным зваротам на гэтую тэму.

Парафія Нараджэння Найсвяцейшай Панны Марыі ў Зарачанцы (Баля Касцёльная; Гродзенская дыяцэзія) першы раз у гэтым годзе перажывала фацімскія набажэнствы. Гэтыя набажэнствы праходзяць кожны 13-ы дзень месяца з мая па кастрычнік і нагадваюць пра аб’яўленні Маці Божай у Фаціме.

25 кастрычніка сем’і Ліды і яе ваколіц мелі магчымасць удзелу ў «Днях духоўнага аднаўлення сем'яў», які арганізаваў рух Gloriosa Trinita, што дзейнічае ў мясцовай парафіі.