25 кастрычніка парафія ў Лучаі святкавала фэст святога Юды Тадэвуша, апостала.
“Мы больш не можам аддзяляць рэлігійнае жыццё ад служэння братам, тым канкрэтным братам, якіх мы сустракаем. Мы не можам ужо больш аддзяляць малітву, сустрэчу з Богам у сакрамэнтах, ад выслухоўвання бліжняга, ад блізкасці да яго жыцця, асабліва яго ранаў”, - сказаў Папа Францішак перад малітвай “Анёл Панскі” на плошчы св. Пятра 26 кастрычніка.
Пакістанская каталічка Асія Бібі, асуджаная на пакаранне смерцю паводле закона аб блюзнерстве, напісала ўмольны ліст Папу Францішку. “Ойча Францішку, гэта я, твая дачка, Асія Бібі. Прашу цябе: маліся за мяне, маліся за маё выратаванне і вызваленне. У гэты момант я магу толькі даверыць сябе Усемагутнаму Богу”, - гаворыцца ў лісце.
У Пінску 25 кастрычніка праходзілі галоўныя ўрачыстасці з нагоды 100-годдзя нараджэння кардынала Казіміра Свёнтка. Менавіта ў Пінску іерарх правёў больш за 60 гадоў свайго жыцця. Тут ён усё яшчэ жыве ў памяці і сэрцах многіх людзей, нягледзячы на тое, што прайшло тры гады з часу яго смерці.
У гэтым годзе Шанштацкі рух адзначае 100-годдзе заснавання. У многіх краінах свету, дзе дзейнічае рух, праходзяць юбілейныя ўрачыстасці. На цэнтральныя і адначасова міжнародныя ўрачыстасці, якія адбываюцца з 24 па 27 кастрычніка ў Рыме, быў запрошаны Мітрапаліт Мінска-Магілёўскі арцыбіскуп Тадэвуш Кандрусевіч, які звязаны з гэтым рухам больш за 25 гадоў.
25 кастрычніка ў катэдральным касцёле Унебаўзяцця Найсвяцейшай Панны Марыі ў Пінску адбыліся ўрачыстасці 100-годдзя нараджэння кардынала Казіміра Свёнтка. Таксама ў гэты дзень там aдкрылася VIII Міждыяцэзіяльная пілігрымка сем’яў і сустрэча дэлегатаў супольнасцяў Жывога Ружанца з усяго рэгіёна з нагоды Ружанцовага Кангрэсу — у Пінску праходзіць яго IV частка.