22 мая былому дырэктару Ватыканскіх музеяў Антоніа Паолучы будзе ўручаны ордэн Францішка Скарыны. Цырымонія пройдзе ў Ватыкане з удзелам Сяргея Алейніка, Надзвычайнага і Паўнамоцнага Пасла Рэспублікі Беларусь пры Святым Пасадзе, і Аляксандра Гур’янава, Надзвычайнага і Паўнамоцнага Пасла Рэспублікі Беларусь у Італьянскай Рэспубліцы.

Епіскапат Венесуэлы абвясціў 21 мая днём агульнанацыянальнай малітвы за дыялог і паяднанне. Сітуацыя ў гэтай паўднёваамерыканскай краіне выходзіць з-пад кантролю — Венесуэла ў некалькіх кроках ад грамадзянскай вайны.

17 мая папа Францішак прыняў на прыватнай аўдыенцыі ў Ватыкане дэлегатаў Камісіі біскупскіх канферэнцый Еўрасаюза (COMECE) на чале з кардыналам Рэйнхардам Марксам, арцыбіскупам Мюнхена і Фрайзінга, і прэзідэнтам арганізацыі.

Католікі сірыйскага Алепа прысвяцілі Маці Божай Фацімскай свой горад, які яшчэ не так даўно быў арэнай цяжкіх баёў. Прысвячэнне адбылося падчас святой Імшы 13 мая, у дзень 100-годдзя першага аб’яўлення Фацімскай Пані, у касцёле св. Францішка Асізскага.

Барацьба супраць сексуальных злачынстваў, учыненых у кантэксце ўзброеных канфліктаў з’яўляецца не праявай паліткарэктнасці, але галоўным элементам барацьбы за мір і бяспеку, заўважыў афіцыйны прадстаўнік Святога Пасаду ў ААН. Арцыбіскуп Бернардзіта Ауса ўзяў удзел у адкрытым пасяджэнні Савета Бяспекі.

20–23 мая ў Смаргоні, Магілёве, Мінску і Жупранах пройдуць малітоўныя мерапрыемствы з нагоды 25-годдзя манаскага жыцця біскупа Аляксандра Яшэўскага SDB, дапаможнага біскупа Мінска-Магілёўскай архідыяцэзіі і біскупскага вікарыя для Магілёва і Магілёўскай вобласці.

14–19 жніўня ў санктуарыі Маці Божай Валадаркі Азёраў у Браславе пройдзе летняя школа касцёльнага спеву. Калектыў выкладчыкаў узначальвае дацэнт Беларускай дзяржаўнай акадэміі музыкі Уладзімір Неўдах, арганіст мінскага катэдральнага касцёла.

«Заставайцеся ў Маёй любові, каб радасць вашая была поўнай».