20 красавіка падчас сустрэчы ў Ватыкане Пантыфіка з ліквідатарамі аварыі на Чарнобыльскай АЭС Мітрапаліт Мінска-Магілёўскі арцыбіскуп Тадэвуш Кандрусевіч перадаў у дар Святому Айцу першы экземпляр трэцяга томa «Літургіі гадзінаў» на беларускай мове.

Прэм’ер-міністр Іярданіі Абдала Энсур заявіў, што ўрад краіны прыняў рашэнне адмяніць планы па ўстаноўцы відэакамер у святых месцах у Ерузалеме, паведамілі заходнія СМІ.

20 красавіка Святы Айцец Францішак скіраваў заклік да салідарнасці з Украінай.

20 красавіка ў агульнай аўдыенцыі Папы Францішка прынялі ўдзел ліквідатары наступстваў аварыі на ЧАЭС з Беларусі і Украіны, агульнай колькасцю каля 50 чалавек. З Беларусі сярод іх прыбылі ў Ватыкан восем чалавек разам з Мітрапалітам Мінска-Магілёўскім арцыбіскупам Тадэвушам Кандрусевічам.

«Захаваць высокія каштоўнасці дэмакратычнага суіснавання, павагі да бліжняга, цярпімасці і здаровага плюралізму» заклікала бразільцаў Канферэнцыя Каталіцкіх Біскупаў краіны на фоне палітычнага крызісу, які прывёў да імпічменту Прэзідэнту.

Хрысціянін, які не дазваляе Айцу прыцягнуць сябе да Езуса, жыве ў стане сіроцтва, падкрэсліў Папа Францішак 19 красавіка падчас ранішняй Эўхарыстыі ў Ватыкане. Гамілію Пантыфік пачаў са спасылкі на непрабіўны скептыцызм юдэяў адносна Езуса, пра што кажа Евангелле паводле Яна (10, 22-30).

У Цэнтры сацыяльнага абслугоўвання насельніцтва ў Лідзе адбыліся сустрэчы для людзей пажылога ўзросту і шматдзетных сем’яў з удзелам каталіцкага святара — кс. Юрыя Бяганскага.

У Мастах завяршаецца падрыхтоўка да ХХIII Дзён моладзі Гродзенскай дыяцэзіі, якія адбудуцца 7-9 мая. Дэвіз сёлетняй сустрэчы — «Пакліканыя быць прыладамі Божай міласэрнасці».

Я прыйшоў на свет як святло