На святочныя дні найвялікшага свята хрысціян — Уваскрасення Збаўцы — каталіцкія біскупы Беларусі па традыцыі падрыхтавалі свае віншавальныя відэазвароты да вернікаў.

У Вялікую суботу Апостальскі Нунцый арцыбіскуп Габар Пінтэр наведаў некаторыя мінскія парафіі, каб напярэдадні Вялікадня павіншаваць вернікаў і благаславіць стравы на святочны стол.

Вялікая субота – дзень надзеі і малітоўнага чакання ўваскрасення Пана, які спачывае ў гробе. У гэты дзень людзі ідуць у святыню, каб асвяціць стравы на велікодны стол. Благаслаўленне ежы і напояў здзяйсняе біскуп, прэзбітэр або дыякан ці лектар, які прамаўляе малітвы, благаслаўляе стравы і акрапляе іх асвечанай вадой.

Разважаючы над апошнімі словамі Хрыста, мы заглыбіліся ў іх змест, атрымалі прывілей наблізіцца да Яго жыцця і магчымасць пазнаваць, кім Ён ёсць. Гэтыя апошнія словы паўней адкрылі нам асобу Езуса.

«Ён уваскрос з мёртвых і вось апярэджвае вас у Галілеі ».

Гэта тая навіна, якую сёння абвяшчае хрысціянства ў свеце, які загубіўся і нават перавярнуўся з ног на галаву. У ім мы пакліканы быць сведкамі ўваскрослага Хрыста. Ён кліча нас быць Яго сябрамі, любіць Яго і прабываць у Ягонай любові, і мы пакліканы паставіць Яго на першым месцы.

Літургія Мукі Пана ў Вялікую пятніцу збірае вернікаў на адарацыю святога Крыжа. У мінскай архікатэдры літургію цэлебраваў Мітрапаліт Мінска-Магілёўскі арцыбіскуп Тадэвуш Кандрусевіч.