5 верасня Святы Айцец Бэнэдыкт ХVI прывітаў удзельнікаў кангрэса свецкіх вернікаў Афрыкі «Быць сведкам Езуса Хрыста ў сучаснай Афрыцы», які праходзіць 4–9 верасня ў сталіцы Камеруна, Яундзе. Папа звярнуў увагу на небяспеку, звязаную з матэрыяльнымі, духоўнымі і маральнымі праблемамі, выкліканымі секулярызацыяй, але ў той жа час падкрэсліў, што Афрыка мае дастаткова «духоўных рэсурсаў, каштоўных для нашага часу».

Кардынал Карла Марціні «быў чалавекам Божым, які не толькі вывучаў Святое Пісанне, але і вельмі любіў яго, учыніў яго святлом свайго жыцця, каб усё было на большую хвалу Бога», — адзначыў Святы Айцец Бэнэдыкт XVI у асабістым пасланні на пахавальныя ўрачыстасці спачылага іерарха, які памёр 31 жніўня ва ўзросце 85 гадоў. У міланскай катэдры пасланне агучыў спецыяльны пасланнік Папы кардынал Анджэла Камастры.

Святы Айцец Бэнэдыкт XVI скіраваў пасланне да ўдзельнікаў «Genfest» — свята моладзі, звязанай з рухам Факаляраў. На сустрэчы, якая праходзіць у Будапешце (Венгрыя), сабралася каля 12 тысяч маладых людзей.

Святы Айцец Бэнэдыкт XVI спачувае ахвярам трагедыі на нафтаперапрацоўчым заводзе ў Венесуэле, у выніку якой загінулі 39 чалавек. У тэлеграме, скіраванай на імя старшыні епіскапату гэтай краіны арцыбіскупа Дыега Санчаса, Папа адзначыў, што моліцца аб вечным супакоі для памерлых і выказвае сваю блізкасць параненым і членам сем’яў загінуўшых.

23 жніўня Бэнэдыкт XVI скіраваў пасланне да ўдзельнікаў Міжнароднага форуму Каталіцкай акцыі, які праходзіць 22–26 жніўня ў румынскім Яшы, на тэму «Свецкія вернікі і Каталіцкая акцыя: супольная касцёльная і сацыяльная адказнасць». Святы Айцец падкрэсліў, што свецкія вернікі з’яўляюцца не столькі «паплечнікамі» святароў, колькі «суадказнымі» за стан і дзейнасць Касцёла.

Нават тады, калі чалавек адвяргае Бога, у ім не перастае жыць жаданне бясконцасці. Аб гэтым нагадаў Святы Айцец Бэнэдыкт XVI у пасланні да ўдзельнікаў XXXIII «Сустрэчы дзеля сяброўства паміж народамі», якая пачалася 19 жніўня ў Рыміні (Італія). Сустрэча, арганізаваная рухам «Камунія і вызваленне», сёлета праходзіць пад дэвізам: «Натура чалавека звязана з бясконцасцю».

19 жніўня традыйная малітва «Анёл Панскі» з Пантыфікам прайшла ў летняй рэзідэнцыі ў Кастэль Гандольфа. Папа звярнуўся да вернікаў з заклікам нанова адкрыць для сябе прыгажосць Эўхарыстыі.

19 жніўня падчас агульнай аўдыенцыі ў Кастэль Гандольфа Святы Айцец Бэнэдыкт XVI звярнуўся з прывітальным словам да Патрыярха Маскоўскага і ўсяе Русі Кірыла, які знаходзіўся ў той час з візітам у Польшчы.

Бэнэдыкт XVI скіраваў тэлеграму да ўдзельнікаў 301-й пешай пілігрымкі з Варшавы ў Чэнстахову з нагоды 25-й гадавіны паўстання ініцыятывы ў абарону жыцця пад назвай «Духоўнае ўсынаўленне ненароджаных». Гэта малітва, якая доўжыцца дзевяць месяцаў з намерам абараніць жыццё ва ўлонні маці, якому пагражае небяспека.

Папа Бэнэдыкт XVI накіраваў пасланне ўдзельнікам 27-й Федэральнай асамблеі руху «Каталіцкая акцыя» ў Аргенціне. Пантыфік заклікаў іх шчодра дзяліцца сваёй верай і падкрэсліў, што іх арганізацыя з’яўляецца «школай святасці».

Да дабрачыннага ўдзелу ў нацыянальным зборы ахвяраванняў для бедных заахвоціў аргенцінскіх католікаў Святы Айцец Бэнэдыкт XVI. Акцыя пройдзе ў краіне 9 верасня ўжо ў 43-і раз.

Святы Айцец Бэнэдыкт XVI скіраваў пасланне да Карла Альберта Андэрсана, Вярхоўнага Рыцара аб’яднання «Рыцары Калумба» з нагоды 130-га з’езду гэтай найбуйнейшай супольнасці свецкіх католікаў. Форум на тэму «Абвяшчайце аб свабодзе па ўсёй зямлі» пройдзе ў амерыканскім Анахайме 7–9 жніўня.

3 жніўня Святы Айцец Бэнэдыкт XVI скіраваў пасланне на святкаванне 25-й гадавіны міжрэлігійнай малітвы за мір на японскай гары Хэй-дзан. У тэлеграме на імя Каюн Ханга, Вярхоўнага Патрыярха будысцкай школы Тэндай, Папа прывітаў рэлігійных лідэраў, якія сабраліся ў гадавіну правядзення сустрэчы, што прайшла ў духу гістарычнай сустрэчы ў Асізі ў 1986 г.

Святы Айцец Бэнэдыкт XVI скіраваў пасланне да ўдзельнікаў Міжнароднай канферэнцыі Інстытутаў кансэкраванага жыцця, якая праходзіць у італьянскім Асізі на тэму «У слуханні Бога — на старонках гісторыі: свецкасць прамаўляе да кансэкраванасці».

Асобе святога Яна Хрысціцеля Святы Айцец Бэнэдыкт XVI прысвяціў сваё разважанне перад малітвай «Анёл Панскі». 24 чэрвеня Касцёл адзначаў урачыстасць нараджэння прарока памежжа Старога і Новага Запаветаў.

8 чэрвеня 2012 г. у Польшчы і ва Украіне распачынаецца Чэмпіянат Еўропы па футболе. З гэтай нагоды Святы Айцец Бэнэдыкт XVI скіраваў спецыяльнае пасланне да старшыні Канферэнцыі Каталіцкіх Біскупаў Польшчы арцыбіскупа Юзафа Міхаліка.

На ўдзел Елізаветы ІІ у справе ўстанаўлення свабоды, справядлівасці і дэмакратыі, а таксама супрацоўніцтва і ўзаемапавагі паміж вызнаўцамі розных рэлігій звярнуў увагу Бэнэдыкт XVI у пасланні каралеве на 60-годдзе яе праўлення на брытанскім троне.

Прэс-служба Апостальскай Сталіцы апублікавала дэкларацыю ў сувязі з нядаўняй крывавай расправай у сірыйскім горадзе Хула, у выніку якой загінулі каля ста чалавек, у тым ліку шмат дзяцей.

«Унебаўшэсце кажа нам, што ў Хрысце наша чалавечнасць узносіцца да вышыняў Бога», — з такімі словамі звярнуўся да сабраных на плошчы Св. Пятра ў Рыме Святы Айцец Бэнэдыкт XVI. 20 мая перад трыдыцыйнай малітвай «Regina Caeli» Папа, разважаючы над Унебаўшэсцем Пана, якое ў многіх краінах адзначаецца не ў чацвер, а ў бліжэйшую нядзелю, заклікаў вернікаў, гледзячы ў неба, быць сведкамі Божага жыцця на зямлі.

6 мая 2012 г. Святы Айцец Бэнэдыкт XVI сустрэўся з вернікамі на малітве «Анёл Панскі». У прамове Папа звярнуўся да тэксту нядзельнага Евангелля, дзе Хрыстус параўноўваецца з вінаграднай лазой: «Я — сапраўдная вінаградная лаза, а Айцец мой — вінаградар» (пар. Ян 15, 1).