Гэта архіў старой версіі сайта. Новая версія знаходзіцца па адрасе catholic.by
Цэтлік [Папскія сустрэчы]
На заканчэнне агульнай аўдыенцыі 13 красавіка 2011 г. Святы Айцец Бэнэдыкт XVI атрымаў экзэмпляр катэхізіса для моладзі «YouCat», падрыхтаванага да Сусветнага дня моладзі, які адбудзецца ў Мадрыдзе. Прэзентацыя катэхізіса, які выйдзе на шасці мовах, прайшла ў прэс-службе Апостальскай Сталіцы.
Напрыканцы сённяшняй агульнай аўдыенцыі Святы Айцец прывітаў Паўля Бхацці, брата забітага міністра па справах рэлігійных меншасцяў у Ісламабадзе. Пакістанскі дыпламат-католік быў забіты 2 сакавіка 2011 г. 
28 сакавіка 2011 г. Святы Айцец сустрэўся з кіраўніком Праваслаўнай Царквы Кіпра архіепіскапам Хрызастомам ІІ. Падчас сустрэчы былі закрануты пытанні рэлігійнай свабоды і сітуацыі хрысціян на Блізкім Усходзе.
Глыбокую занепакоенасць сітуацыяй у Лівіі і запэўніванне ў духоўнай блізкасці з яе жыхарамі выказаў Святы Айцец Бэнэдыкт XVI падчас сустрэчы з вернікамі на нядзельнай малітве «Анёл Панскі» 20 сакавіка 2011 г. у Ватыкане. Папа заклікаў палітыкаў і вайскоўцаў, якія дзейнічаюць у краіне, забяспечыць жыхарам бяспеку і дадаў, што моліцца аб міры для ўсяго рэгіёну Паўночнай Афрыкі.
11 сакавіка 2011 г. Святы Айцец Бэнэдыкт XVI удзяліў аўдыенцыю членам таварыства «Pro Petri Sede», якое дзейнічае ў Бельгіі. Госці, якія наведваюць Рым кожныя два гады, перадалі Пантыфіку сродкі на дабрачынныя мэты.
«У Касцёле існуюць аспекты негатыўныя і цяжкія, бо ён вельмі чалавечы. Аднак мы павінны цешыцца з таго, што належым да Касцёла, што з’яўляемся Касцёлам, і павінны бачыць, што праўда мацнейшая за хлусню», — падкрэсліў Святы Айцец Бэнэдыкт XVI падчас сустрэчы з духавенствам дыяцэзіі Рыма 10 сакавіка 2011 г. Па традыцыі Папа сустрэўся са святарамі Вечнага Горада ў пачатку Вялікага посту.
Сітуацыя каталіцкай меншасці ў Ісландыі і яе ўклад у развіццё краіны, роля традыцыйных каштоўнасцяў у жыцці народа, а таксама значэнне Ісландыі для міру ў свеце сталі тэмамі размовы Святога Айца Бэнэдыкта XVI з Прэзідэнтам краіны Олафурам Рагнарам Грымсанам. 4 сакавіка 2011 г. Папа ўдзяліў ісландскаму лідэру аўдыенцыю.
Пытанне абароны жыцця чалавека і сям’і, дапамога ў інтэгральным развіцці, барацьба з беднасцю, а таксама пытанне павагі правоў чалавека — галоўныя тэмы, якія былі закрануты падчас сённяшняй сустрэчы Бэнэдыкта XVI і дзяржсакратара Яго Святасці кардынала Тарчызіо Бэртонэ з Прэзідэнтам Чылі Себасцьянам Піньера.
«Бэнэдыкт XVI занепакоены крызісам у Лівіі», — сцвердзіла выканаўчы дырэктар Сусветнай харчовай праграмы Джозэтта Шыран. Сустрэча спадарыні са Святым Айцом адбылася сёння, 2 сакавіка 2011 г.
Адносіны паміж Касцёлам, Еўрапарламентам і іншымі арганізацыямі Еўрасаюза, пытанні рэлігійнай свабоды і абарона хрысціянскіх меншасцяў у свеце былі галоўнымі тэмамі размовы Святога Айца Бэнэдыкта XVI і старшыні Еўрапарламента Ежы Бузэка. 28 лютага 2011 г. Папа ўдзяліў Бузэку аўдыенцыю.
Праблемы постабартыўнага сіндрому і захавання банкаў пупавіннай крыві з’яўляюцца вельмі актуальнымі для сучаснага грамадства, бо датычаць дабра асобы. Гэта падкрэсліў Святы Айцец Бэнэдыкт XVI у прамове да ўдзельнікаў пленарнага пасяджэння Папскай акадэміі ў абарону жыцця, якое завяршылася 26 лютага 2011 г.
«Шлях да адкрыцця сапраўднага прызначэння чалавецтва можна адшукаць толькі аднаўляючы прыярытэт Бога ў людскіх сэрцах і думках», — адзначыў Бэнэдыкт XVI падчас аўдыенцыі для біскупаў Філіпін, якія ў гэтыя дні знаходзяцца ў Апостальскай Сталіцы з візітам аd limina Apostolorum.
Амаль 35 мінут працягвалася прыватная размова Святога Айца Бэнэдыкта XVI з Прэзідэнтам Расіі Дзмітрыем Мядзведзевым, якая адбылася 17 лютага 2011 г. у Апостальскім палацы ў Ватыкане. «Гэта вельмі важная сустрэча», — адзначыў Папа, вітаючы свайго госця ў Троннай зале.
У суботу 12 лютага 2011 г. Святы Айцец Бэнэдыкт XVI сустрэўся з членамі Святарскага Брацтва св. Караля Барамэя. Звяртаючыся да прысутных, Пантыфік адзначыў, што святарства, як і Касцёл у цэлым, патрабуе пастаяннага аднаўлення.
16–17 лютага 2011 г. Прэзідэнт Расіі Дзмітрый Мядзведзеў наведае Італію з афіцыйным візітам. Па завяршэнні візіту расійскі лідэр пабывае ў Ватыкане, дзе яму ўдзеліць аўдыенцыю Святы Айцец Бэнэдыкт XVI.
У хуткім часе Святы Айцец Бэнэдыкт XVI прыме на спецыяльнай аўдыенцыі Святарскае Брацтва св. Караля Барамэя з нагоды 250-й гадавіны яго існавання. Пра гэта на старонках сённяшняга выдання «L’Osservatore Romano» піша яго настаяцель кс. Массімо Камісаска, які адзначае, што брацтва ўзнікла на пачатку Пантыфікату Яна Паўла ІІ. 
7 лютага 2011 г. Святы Айцец сустрэўся з членамі Кангрэгацыі Каталіцкай Адукацыі, пленарнае пасяджэнне якой адбываецца цяпер у Ватыкане. Пра гэта паведамляе беларуская рэдакцыя Ватыканскага радыё. 
Сёння, 3 лютага 2011 г., Святы Айцец Бэнэдыкт XVI сустрэўся з прадстаўнікамі супольнасці «Эмануэль» з нагоды 20-й гадавіны смерці яе заснавальніка Слугі Божага П’ера Гурсата. 
На важнасць супрацоўніцтва ўсіх хрысціян ва ўзаемным даверы ўказаў Святы Айцец Бэнэдыкт XVI падчас сустрэчы з членамі Міжнароднай змешанай камісіі па справах тэалагічнага дыялога паміж Каталіцкім Касцёлам і Усходнімі Артадаксальнымі Цэрквамі. Гэтыя Цэрквы прадстаўляюць копцкая, сірыйская, армянская і сіра-малабарская.Усяго 427 матэрыялаў адзначана цэтлікам Папскія сустрэчы.
Пры выкарыстанні матэрыялаў сайта спасылка на Catholic.By абавязкова.
