Гэта архіў старой версіі сайта. Новая версія знаходзіцца па адрасе catholic.by
Цэтлік [Папскія сустрэчы]
У бліжэйшую нядзелю, 30 студзеня 2011 г., падчас малітвы «Анёл Панскі» Святы Айцец Бэнэдыкт XVI прывітае дзяцей і моладзь з італьянскай Каталіцкай акцыі, удзельнікаў так званага «Каравану супакою» — акцыі салідарнасці з найбольш патрабуючымі ў бедных краінах. На знак спакою Пантыфік выпусціць два галубы.
На важнасць сустрэчы чалавека з Богам, вяртання да сваіх духоўных і маральных каранёў, чаму спрыяе таксама грамадства і яго арганізацыі, указаў Святы Айцец Бэнэдыкт XVI. 21 студзеня 2011 г. Папа ўдзяліў аўдыенцыю кіраўніцтву і супрацоўнікам рымскай паліцыі.
Пытанні адукацыі і культуры абмяркоўваліся падчас аўдыенцыі Святога Айца для генеральнага дырэктара ЮНЭСКА Ірыны Бокавай. Сустрэча адбылася 17 студзеня 2011 г.
Дэлегацыя Аб’яднанай Евангельска-лютэранскай Царквы Германіі (VELKD) з 22 па 26 студзеня 2011 г. будзе прабываць з візітам у Італіі і Ватыкане. 24 студзеня дэлегацыю кіраўнікоў нямецкіх лютэран прыме Святы Айцец Бэнэдыкт XVI. 
Святы Айцец XVI атрымаў у падарунак экзэмпляр афіцыйнага запісу яго візіту ў Вялікабрытанію. Аўтар кнігі Пітэр Джэннінгс урычыў яе Папу пасля агульнай аўдыенцыі 9 студзеня 2011 г. Пантыфік атрымаў таксама картку з малітвай, выдадзеную з нагоды беатыфікацыі Джона Генры Ньюмана.
Планаваная ў бліжэйшы чацвер (13 студзеня 2011 г.) сустрэча 30 кіраўнікоў і прадстаўнікоў рэлігій Ізраіля са Святым Айцом Бэнэдыктам XVI адменена. Нагодай для такога рашэння паслужыла забастоўка працаўнікоў ізраільскага Міністэрства замежных спраў, якое з’яўлялася адным з арганізатараў сустрэчы.
30 снежня 2010 г. Святы Айцец прыняў удзельнікаў XXXVI Кангрэса Міжнароднай федэрацыі хору хлопчыкаў. «Ваш спеў з’яўляецца радасным служэннем Богу. Заўсёды памятайце, што вашыя спевы служаць перш за ўсё Богу, усім вернікам і ўсяму Касцёлу», — адзначыў Бэнэдыкт XVI.
14 лютага 2011 г. Святы Айцец Бэнэдыкт XVI прыме зборную Іспаніі па футболе, якая ў гэтым годзе стала чэмпіёнам свету. Пра гэта паведаміў прэзідэнт іспанскай федэрацыі футбола Анхель Марыя Вільяр.
Аб любові, якая перамяняе свет, нагадаў Святы Айцец Бэнэдыкт XVI, запрашаючы самых бедных жыхароў Рыма на святочны абед 26 снежня 2010 г. У зале Паўла VI былі падрыхтаваны сталы для амаль 500 гасцей, якімі апякуюцца Місіянеркі Любові з супольнасці, заснаванай Маці Тэрэзай з Калькуты.
Святы Айцец Бэнэдыкт XVI узначаліць святую Імшу ў вігілію Божага Нараджэння. Распачнецца яна 24 снежня 2010 г. у 22.00 па мясцовым часе. А ў дзень самой урачыстасці, 25 снежня, Пантыфік удзеліць благаслаўленне «Гораду і свету» на плошчы Св. Пятра і павіншуе католікаў свету на дзесятках моў.
Да аднаўлення хрысціянскай маральнасці згодна са шляхам, указаным Янам Паўлам ІІ у энцыкліцы «Veritatis splendor» і аднаўлення ў праўдзе святарскага служэння заклікаў Святы Айцец Бэнэдыкт XVI падчас сустрэчы з супрацоўнікамі Рымскай Курыі напярэдадні Божага Нараджэння 20 снежня 2010 г. Папа ўказаў таксама на неабходнасць паяднання на Блізкім Усходзе і на жыццё ў згодзе з «сумленнем, падпарадкаваным праўдзе, якое кажа аб прысутнасці Бога і ў сённяшнім свеце».
18 снежня 2010 г. Святы Айцец Бэнэдыкт XVI наведаў Ватыканскую Апостальскую Бібліятэку пасля рамонту, дзе пагутарыў з яе персаналам і дырэктарам — кардыналам Рафаэле Фарына SDB. Штогод доступ у бібліятэку маюць каля 5 тысяч вучоных, але толькі Пантыфік валодае правам выносіць кнігі па-за межы бібліятэкі. 
Да сінтэзу інтэлектуальнага развіцця, маральнай дысцыпліны і ўдзелу ў рэлігійным жыцці заклікаў акадэмічны свет Рыма Святы Айцец Бэнэдыкт XVI. 16 снежня 2010 г. Папа сустрэўся са студэнтамі і выкладчыкамі рымскіх універсітэтаў у базыліцы св. Пятра.
Надзею на паглыбленне каталіцка-лютэранскага дыялога выказаў Святы Айцец Бэнэдыкт XVI, прымаючы 16 снежня 2010 г. прадстаўнікоў Сусветнай лютэранскай федэрацыі — яе старшыню епіскапа Муніба Юнана і генеральнага сакратара пастара Марціна Юнге. Папа нагадаў, што ў пачатку свайго Пантыфікату ўжо сустракаўся з кіраўніцтвам федэрацыі.
Як мінімум 10 тысяч выкладчыкаў і студэнтаў рымскіх універсітэтаў прымуць удзел у традыцыйнай перадкаляднай сустрэчы са Святым Айцом Бэнэдыктам XVI у базыліцы св. Пятра ў Ватыкане 16 снежня 2010 г. а 18-й гадзіне. Аб гэтым паінфармаваў вікарыят дыяцэзіі Рыма.
14 снежня 2010 г. Святы Айцец Бэнэдыкт XVI цэлебраваў святую Імшу ў ватыканскім кляштары Mater Ecclesiae — Маці Касцёла. З кастрычніка 2009 г. у кляштары жыве супольнасць з 7 сясцёр Ордэна Звеставання Найсвяцейшай Панны Марыі (візітак), якая моліцца за Папу, супрацоўнікаў ведамстваў Апостальскай Сталіцы і ўвесь Касцёл.
10 снежня 2010 г. Святы Айцец Бэнэдыкт XVI удзяліў аўдыенцыю Прэзідэнту Літвы Далі Грыбаўскайтэ. Лідэр Літвы сустрэлася таксама з Дзяржаўным сакратаром Яго Святасці кардыналам Тарчызіо Бэртонэ і Сакратаром па адносінах з дзяржавамі Дзяржаўнага Сакратарыяту Апостальскай Сталіцы арцыбіскупам Дамінікам Мамбэрці.
Пасля агульнай аўдыенцыі Бэнэдыкт XVI сустрэўся з асобамі, якія былі паранены 31 кастрычніка 2010 г. у выніку тэрарыстычнага акту ў каталіцкай святыні ў Багдадзе (Ірак). Цяпер яны знаходзяцца на лячэнні ў рымскай клініцы «Джэмэллі».Усяго 427 матэрыялаў адзначана цэтлікам Папскія сустрэчы.
Пры выкарыстанні матэрыялаў сайта спасылка на Catholic.By абавязкова.
