Моладзь Гродна пачала перэгрынацыю сімвалаў СДМ у Кракаве

Асвячэнне мініяцюр духоўных сімвалаў Сусветнага дня моладзі – крыжа і абраза Маці Божай Salus Populi Romani, – а таксама ўручэнне гэтых сімвалаў моладзевым дэлегацыям з розных парафій Гродна прайшло ў гродзенскім касцёле Звеставання Найсвяцейшай Панне Марыі.

Асвячэнне духоўных сімвалаў СДМ адбылося на святой Імшы, у якой прынялі ўдзел маладыя вернікі розных гродзенскіх парафій са сваімі душпастырамі, а таксама моладзь з Нігерыі.

У Полацку прайшло начное чуванне моладзі Віцебскай дыяцэзіі

У чуванні прымала ўдзел моладзь з Браслава, Глыбокага, Мёраў, Віцебска, Варапаева, Слабодкі, Друі, Верхнядзвінска і іншых куткоў дыяцэзіі.

Адным з пунктаў чування сталі тэатральныя пастаноўкі, падрыхтаваныя моладдзю з Мёраў і Браслава. У пастаноўках асаблівая ўвага надавалася разважанням пра Божую міласэрнасць і яе ролі ў жыцці чалавека.

«Разважаючы над прыпавесцю пра блуднага сына, моладзь прадставіла асабістыя праблемы, перажыванні, пытанні; некаторыя маглі знайсці свае ўласныя праблемы і даверыць іх Міласэрнаму Айцу», – піша ў матэрыяле з месца падзей с. Таццяна Гмыза SJE.

Мітрапаліт Тадэвуш Кандрусевіч павіншаваў Мітрапаліта Філарэта з 50-годдзем епіскапскага пасвячэння

Патрыяршы Экзарх усяе Беларусі Мітрапаліт Філарэт адзначыў 50-годдзе епіскапскага пасвячэння. Віншаванне для іерарха перадаў і Старшыня Канферэнцыі Каталіцкіх Біскупаў у Беларусі арцыбіскуп Тадэвуш Кандрусевіч.
 
«Ад усяго сэрца дзякую Вам за Вашу адкрытасць дыялогу і супрацоўніцтву, асабліва ў справе абароны маральных каштоўнасцяў, што вельмі важна ў наш секулярны час, і прапаведванні заўсёды жывога і дзейснага Евангелля», – адзначыў у сваім віншаванні каталіцкі іерарх.

Беларускіх скаўтаў наведаў адказны за Усходнюю Еўропу скаўцкі камісар Рэно Лануа

У Гродне на мінулым тыдні адбылася педагагічная сустрэча, прысвечаная працы шэфаў скаўцкага руху з хрысціянскай моладдзю. На сустрэчу завітаў і Рэно Лануа, камісар скаўтаў, які адказвае за развіццё скаўцкіх адзінак ва Усходняй Еўропе.

Скаўцкі камісар правёў у парафіі Найсвяцейшага Адкупіцеля цырымонію прызначэння новых генеральных камісараў, якімі ў Беларусі на бліжэйшыя тры гады сталі Юлія Чарніцкая і Павел Бельскі.

Аперацыя “мабільная евангелізацыя”: Стары і Новы Запавет цяпер і на смартфонах

Карыстальнікі праграмы для смартфонаў «Малітоўнік», створанай моладдзю мінскай парафіі Беззаганнага Зачацця Найсвяцейшай Панны Марыі, цяпер могуць чытаць на сваіх гаджэтах і тэксты Бібліі.

Праграма дае доступ да Старога і Новага Запаветаў у расійскім сінадальным перакладзе з каментарыямі брусэльскага выдання 1989 года.

Як адзначаюць аўтары «Малітоўніка», новая функцыянальная сістэма дазволяе цяпер не толькі чытаць тэксты, але і адзначаць цікавыя чытачу вершы, захоўваючы іх у закладках, і рабіць уласныя нататкі. Абнаўленне дасяжнае на сёння толькі ўладальнікам смартфонаў з сістэмай Android.

1355 паправак у выніковым дакуменце: у Рыме завяршыўся Сінод Біскупаў на тэму сям’і

«Сiнод пацвердзiў, што Касцёл не з'яўляецца Касцёлам толькi справядлiвых i святых, але таксама i грэшнiкаў, якiя шукаюць прабачэння.  Першы абавязак Касцёла — не судзiць, а абвяшчаць Божую мiласэрнасць, заклiкаць да навяртання i весцi да збаўлення», — адзначыў адзіны беларускі ўдзельнік Сіноду арцыбіскуп Тадэвуш Кандрусевіч, каментуючы вынікі працы асамблеі.

Апошнi этап працы Сiноду паспяхова завяршыўся, i яго вынiкам стаў усiмi адобраны фiнальны дакумент з унесенымі 1355 праўкамі, якi быў перададзены Пантыфіку.

«Сiнод засяродзiў сваю ўвагу на больш шырокiм i глыбокiм пазнанні сям'i i яе праблем, паклiкання i мiсii ў сучасным свеце, — дадаў арцыбіскуп. — Сінод заахвоцiў да разумення значэння сям'i як падмурку грамадства і паглыблення душпастырскай працы ў такіх накірунках, як падрыхтоўка моладзi да сакрамэнту сужэнства, спадарожнiчанне маладым сужэнствам, адпаведная фармацыя святароў, пастырская апека над разведзенымi i ўступiўшымi ў новыя саюзы, апека над людзьмi, якія маюць гомасексуальныя схільнасцi, і г.д.».

У Міхалішках у дзяржаўным шпіталі з’явілася каталіцкая капліца

Капліца св. Яна Паўла ІІ у Цэнтральным раённым шпіталі ў Міхалішках была ўзведзена дзякуючы старанням пробашча кс. Анатоля Захарэўскага і вялікай прыхільнасці адміністрацыі шпіталя.

Цырымонія асвячэння прайшла 21 кастрычніка ў межах кананічнай візітацыі Астравецкага дэканату біскупа Аляксандра Кашкевіча. Асвячэнне адбылося якраз напярэдадні літургічнага ўспаміну св. Яна Паўла ІІ.

 
Прэзідэнт Беларусі перадаў у дар Папу Францішку абраз

Апостальскі Нунцый у Беларусі арцыбіскуп Клаўдыё Гуджэроцці перадаў Святому Айцу дар ад Прэзідэнта Рэспублікі Беларусь Аляксандра Лукашэнкі – абраз «Беззаганнае Сэрца Марыі». Абраз выкананы ў старажытнай беларускай тэхніцы работы па дрэвe – Сожская скань.

Вернікі мінскага Чырвонага касцёла арганізавалі збор рэчаў для бежанцаў з Украіны

Штомесяц з Чырвонага касцёла адпраўляецца ад 1,5 да 2 тон рэчаў для бежанцаў Украіны. У гэты лік уваходзіць адзенне, абутак, цацкі, посуд, дзіцячыя калыскі. Ініцыятарамі дабрачыннай акцыі, паводле слоў пробашча парафіі, былі самі вернікі.
«Яны звярнуліся ў сакрыстыю з такой просьбай і хутка пачалі прыносіць рэчы, — расказвае кс. Уладзіслаў Завальнюк. — Аднак з кожным днём жадаючых дапамагчы станавілася ўсё больш і больш, таму ў касцёле былі ўстаноўлены спецыяльныя “месцы для гуманітарнай дапамогі бежанцам з Украіны”».

Пра тое, як праходзіць збор рэчаў, дзе іх сарціруюць і куды адпраўляюць гуманітарныя грузы – у рэпартажы карэспандэнта Сatholic.by Марыны Валасар.

101 год таму нарадзіўся кардынал Казімір Свёнтэк

Кардынал Казімір Свёнтэк — чалавек, які стаў для Каталіцкага Касцёла ў Беларусі сімвалам адвагі, цярпення, трываласці і вялікай духоўнай моцы, якую не здолелі зламаць ні ваенныя ліхалецці, ні націскі ўладаў.

 Ілья Лапато