6–7 лістапада 2010 г. Святы Айцец Бэнэдыкт XVI наведае Іспанію. Месцамі візіту Папы стануць Санцьяга дэ Кампастэла, дзе Пантыфік пабывае з нагоды Юбілейнага года Кампастэлы, і Барселона.

Да разважання над узгадненнем патрабаванняў працы з сямейным жыццём, а таксама над вяртаннем сапраўднага сэнсу адзначэнню святаў, асабліва нядзелі, заахвоціў Святы Айцец Бэнэдыкт XVI арганізатараў VII Сусветнай сустрэчы сем’яў, якая адбудзецца ў Мілане (Італія) 30 мая – 3 чэрвеня 2012 г. пад назвай «Сям’я: праца і свята». У Ватыкане апублікаваны ліст Папы, скіраваны на імя старшыні Папскай рады па справах сям’і кардынала Эніа Антанэллі.

Падчас сённяшняй агульнай аўдыенцыі ў Апостальскай Сталіцы Святы Айцец Бэнэдыкт XVI заклікаў вернікаў да малітвы ў інтэнцыі працы Міжнароднай камісіі па справах тэалагічнага дыялога паміж Рыма-каталіцкім Касцёлам і Праваслаўнай Царквой, пасяджэнне якой адбываецца ў гэтыя дні ў Вене (Аўстрыя).

У кастрычніку 2010 г. Святы Айцец Бэнэдыкт XVI наведае Сіцылію. Гэтая аднадзённая паездка стане ўжо чацвёртым за бягучы год пастырскім візітам Папы.

«Тэлебачанне таксама паспрыяла таму, што брытанцы змянілі стаўленне да Святога Айца Бэнэдыкта XVI, бо маглі бачыць яго на свае вочы на працягу чатырох дзён», — заўважыў кс. Фэдэрыко Ламбардзі SI у інтэрв’ю выданню «Il Sole-24 Ore», прысвечаным візіту Папы ў Вялікабрытанію. Па словах старшыні Прэс-службы Апостальскай Сталіцы, падарожжа называлі «цяжкім».

«La luce gentile» (сардэчнае святло) — такую назву галоўны рэдактар штотыднёвіка Апостальскай Сталіцы «L’Osservatore Romano» Джаванні Марыя Віян даў падсумаванню візіту Святога Айца Бэнэдыкта XVI у Вялікабрытанію, што адбываўся з 16 па 19 верасня 2010 г. Публіцыст кажа пра «святло Хрыста, якое хрысціяне Усходу ў вячэрняй малітве называюць „радасным“ (phòs hilaròn), а кардынал Джон Генры Ньюман, беатыфікацыя якога адбылася ў нядзелю, адчуў і апісаў як „сардэчнае“ (kindly light)».

Луіджы Аккатолі, ватыканскі публіцыст італьянскага выдання «Corriere della Sera», у сваім артыкуле параўноўвае візіты ў Вялікабрытанію Бэнэдыкта XVI і яго папярэдніка Яна Паўла ІІ. Як адзначае аўтар, паколькі Ян Павел ІІ знаходзіўся там у разгар вайны паміж Вялікабрытаніяй і Аргенцінай за Фолклендскія астравы, паездка мела прыватны характар, або, як падкрэслівала ў той час Апостальская Сталіца, была выключна пастырскім, а не дзяржаўным візітам.

На афіцыйным сайце візіту Святога Айца Бэнэдыкта XVI у Вялікабрытанію створана старонка, дзе за ўсімі падзеямі ў межах візіту можна назіраць у рэжыме онлайн.

Сёння, 16 верасня 2010 г., Святы Айцец Бэнэдыкт XVI прыбывае з афіцыйным візітам у Вялікабрытанію. Гэта першая афіцыйная паездка главы Святога Пасаду ў гэтую краіну за 5 стагоддзяў.

У адпаведнасці з рашэннем Святога Айца Бэнэдыкта XVI у біскупскі сан будуць пасвечаны два буйныя прадстаўнікі Рымскай Курыі. Аб гэтым паведаміла Прэс-служба Апостальскай Сталіцы.

Падчас агульнай аўдыенцыі, якая адбылася 15 верасня 2010 г. у зале Паўла VI у Апостальскай Сталіцы, Святы Айцец Бэнэдыкт XVI заклікаў да міру ў рэгіёне Паўднёвай Азіі. Папа запэўніў таксама аб малітве за ахвяраў апошніх здарэнняў і выказаў просьбу аб тым, каб «шанаванне рэлігійнай свабоды, логіка паяднання і міру ўзялі верх над нянавісцю і насіллем».

13 верасня 2010 г. Служба папскіх літургічных цэлебрацый апублікавала праграму афіцыйных мерапрыемстваў на кастрычнік і лістапад гг., у якіх прыме ўдзел Святы Айцец Бэнэдыкт XVI. У нядзелю, 3 кастрычніка, Папа прыбудзе з візітам у сталіцу Сіцыліі Палерма, дзе сустрэнецца з маладымі сем’ямі і моладдзю рэгіёна.

Біскуп не з’яўляецца загадчыкам або бюракратам, або таксама простым мадэратарам  і арганізатарам жыцця дыяцэзіі, а яго здольнасць да стварэння атмасферы даверу, адкрытасці, любові, шчырасці і справядлівасці паходзіць з айцоўства і братэрства ў Хрысце. Аб гэтым 13 верасня 2010 г. нагадаў Святы Айцец Бэнэдыкт XVI падчас сустрэчы з групай новапрызначаных біскупаў, якія прымаюць удзел у штогадовых курсах, арганізаваных Кангрэгацыяй па справах Біскупаў.