Каталіцкая традыцыя, мір, пашана да чалавечага жыцця, клопат аб сям’і, захаванне яе правоў, інтэгральнае развіццё народаў — тэмы, якія закранаюцца ў пасланнях Святога Айца Бэнэдыкта XVI да двух новых паўднёваамерыканскіх паслоў у Апостальскай Сталіцы. 18 кастрычніка 2010 г. Папа ўдзяліў аўдыенцыі прадстаўніку Калумбіі Сэсару Маўрысіо Веласкесу Оссэ і прадстаўніку Сальвадора Мануэлю Раберта Лопесу Баррэрэ.

Падчас урачыстай святой Імшы, якая адбылася 17 кастрычніка 2010 г. на плошчы Св. Пятра ў Ватыкане, Святы Айцец Бэнэдыкт XVI абвясціў святымі польскага законніка а. Станіслава Казімерчыка, законніка з Канады Эндру Бэссэта, с. Кандыду Марыю ад Езуса з Іспаніі, с. Марыю ад Крыжа з Аўстраліі, італьянак с. Джулію Сальцано і с. Баптысту (Камілу) Варано.

27 лістапада 2010 г. падчас літургіі, якая распачне перыяд Адвэнту — часу чакання перад нараджэннем Хрыста, — Святы Айцец Бэнэдыкт XVI узначаліць малітоўнае чуванне ў базыліцы св. Пятра ў Ватыкане ў інтэнцыі кожнага зачатага жыцця. Папа заклікае паўсюдны Касцёл далучыцца да гэтай малітвы.

10 кастрычніка 2010 г. у Ватыкане падчас традыцыйнай малітвы «Анёл Панскі» многія заўважылі, што ў Святога Айца з’явіўся новы мастацкі дызайн папскага герба, які захаваў былыя яго асноўныя элементы. 

7 кастрычніка 2010 г. Святы Айцец прыняў на прыватнай аўдыенцыі ўдзельнікаў Міжнароднага кангрэса каталіцкіх СМІ, які арганізавала Папская рада па сродках масавай камунікацыі. 

Святы Айцец Бэнэдыкт XVI прызначыў кардынала Жана Луі Тарана, старшыню Папскай рады па міжрэлігійным дыялогу, сваім пасланнікам на ўрачыстасці, якія пройдуць у абацтве св. Пятра ў Салеме (Францыя). 12 кастрычніка 2010 г. знакаміты кляштар будзе адзначаць 1000-гадовы юбілей.

«Нідзе Бэнэдыкта XVI не прымалі так горача, як на Сіцыліі», — такую думку выказаў галоўны рэдактар штотыднёвіка Апостальскай Сталіцы «L’Osservatore Romano» Джаванні Марыя Віян, які суправаджаў Святога Айца ў яго візіце на Сіцылію, што адбыўся 3 кастрычніка 2010 г. Прадстаўнік выдання «Corriere della Sera» Джан Гвідо Веккі таксама высока ацэньвае гэтую паездку Папы.

19 чэрвеня 2011 г. Святы Айцец Бэнэдыкт XVI плануе наведаць Сан-Марына. Аб гэтым паінфармавала тэлебачанне краіны RTV San Marino. Амаль 30 год таму, 29 чэрвеня 1982 г., у гэтай дзяржаве пабываў папа Ян Павел ІІ.

29 верасня 2010 г. Святы Айцец Бэнэдыкт XVI развітаўся з супрацоўнікамі сваёй летняй рэзідэнцыі ў Кастэль Гандольфа (прыгарад Рыма). 1 кастрычніка Папа вяртаецца ў Ватыкан. Звяртаючыся да дырэктара рэзідэнцыі доктара Савэрыё Пэтрылла і яго калег, Пантыфік выказаў удзячнасць за іх штодзённую працу і малітву ў яго інтэнцыі і заахвоціў да далейшага сведчання веры, асабліва праз услухоўванне ў Божае слова.

Аб значэнні прабачэння для аднаўлення Касцёла казаў Святы Айцец Бэнэдыкт XVI падчас сустрэчы з біскупамі усходняй Бразіліі, якая адбылася 25 верасня 2010 г. у Апостальскай Сталіцы. Папа заклікаў іерархаў, якія завяршаюць свой візіт ad limina Apostolorum, атуліць асаблівай апекай моладзь.