27 жніўня 2012 г. Святы Айцец Бэнэдыкт XVI сустрэўся з прэм’ер-міністрам Італіі Марыё Монці. Галоўнай тэмай размоваў была сітуацыя ў Еўропе.

Як паведамляе Прэс-служба Апостальскай Сталіцы, «падчас сардэчных размоваў асаблівым чынам закраналіся пытанні сітуацыі ў Еўропе, галоўных выклікаў, перад якімі стаіць Еўрасаюз, і ўкладу, які яго жыхары, а найперш маладое пакаленне, могуць зрабіць у яго грамадскае і духоўнае развіццё».

Пантыфік і італьянскі прэм’ер размаўлялі каля 40 хвілін.