Ці мае сэнс смяротнае пакаранне? Якая альтэрнатыва гэтаму пакаранню? Якое становішча займаюць па гэтым пытанні дзяржаўныя ўлады, грамадства і хрысціянскія канфесіі Беларусі?
У другую нядзелю лістапада на Імшы з удзелам дзяцей ў мінскай парафіі Cв. Яна Евангеліста і св. Максімільяна Марыі Кольбэ ў Мінску маленькія парафіяне пазнаёміліся са святымі, якія сваім кароткім жыццём сказалі Богу «Так». Пра святых распавялі ў сцэнцы самі дзеці.
18 кастрычніка ў Каталіцкім Касцёле адзначалася свята св. Лукі, Евангеліста, які з’яўляецца заступнікам службы аховы здароўя. У сувязі з гэтым у чарговай праграме «Сімвал веры» распавядаецца пра Душпастырства службы аховы здароўя Гродзенскай дыяцэзіі, а яе госцем з'яўляецца кс. Мікалай Ціхановіч — духоўны кіраўнік душпастырства.
Усё, што мы маем у нашым жыцці, што нас акружае — створана Богам. Але таксама і тое, што Ён дае нашаму сэрцу: вера, надзея, любоў. Толькі ад нас залежыць, ці будзем мы прымаць гэтыя дары, ці застанемся без благаслаўлення і Яго апекі…
Дзе і як пякуць аплаткі ў Беларусі? У чым адрозненне паміж «камунійнымі» аплаткамі і аплаткамі на вігілійны стол? Журналісты Catholic.by наведалі буйнейшую аплаткарню ў Навагрудку, дзе сёстры назарэтанкі падзяліліся сакрэтнай рэцэптурай і працэсам прыгатавання аплатак.
13 лістапада адбылася сустрэча святароў Мінска-Магілёўскай архідыяцэзіі. Сустрэча праходзіла ў касцёле святога Сымона і святой Алены ў Мінску.
13 лістапада завяршылася фармацыйная сустрэча маладых святароў, якія атрымалі прэзбітэрскае пасвячэнне ў апошнія пяць гадоў. У сустрэчы прынялі ўдзел маладыя святары з Мінска-Магілёўскай архідыяцэзіі, а таксама Пінскай і Віцебскай дыяцэзій.
Папа Францішак прызначыў арцыбіскупа Пола Рычарда Галахера сакратаром па адносінах з дзяржавамі. Гэта трэцяя па значнасці пасада ў ватыканскай дыпламатыі, эквівалентная пасадзе міністра замежных спраў.