| redemptor.grodnensis.by
|
Адрас:
вул. Курчатава, 41
г. Гродна
Гродзенскі р-н
Гродзенская вобл.
Рэспубліка Беларусь
230005
Тэл./Факс: (8-0152) 76-92-62
Вэб-сайт: www.redemptor.by
аРасклад набажэнстваў (магчымы змены)- Святая Імша ў нядзелю і святы — 07.30, 09.00 (бел.), 10.30, 12.00 (сума), 15.00 (для бацькоў і дзяцей пасля першай Камуніі, бел.), 16.30 (для бацькоў і дзяцей пасля першай Камуніі, бел.), 19.00 (для моладзі), 21.00
- Святая Імша ў будні — 08.00, 19.00
Нешпары ў нядзелю — 18.30
Навэнна да Маці Божай Нястомнай Дапамогі — серада 18.30
Песні жальбы (у час Вялікага посту) — 18.00
Адпуст: трэцяя нядзеля ліпеня, Маці Божай Нястомнай Дапамогі (27 чэрвеня) "Даяздныя капліцы": Русота - капліца свв. апосталаў Пятра і Паўла, святая Імша ў кожную другую нядзелю ў 13.30 У Багушоўцы капліцы ўжо няма.
dЗ гісторыі парафіі
Парафія створана ў 1993 г. 07.11.2000 — умураваны вуглавы камень у сцяну касцёла і душпастырскага цэнтра. Гэты камень – з гробу святога Пятра з Рыма — быў падараваны і асвечаны папам Янам Паўлам ІІ. Асвячэнне і ўмураване камня здзейсніў біскуп Антоні Дзям'янка ў прысутнасці правінцыяла Варшавскай правінцыі рэдэмптарыстаў.
s
РУСОТА — капліца Св. Апосталаў Пятра і Паўла
Св. Імша ў кожную другую нядзелю — 13.30  | Фота Андрэя Дыбоўскага
|
Вёска вядома з 1392 г., як дадзеная ў валоданне гродзенскаму фарнаму касцёлу згодна з фундушам Вітаўта і Ягайлы. У міжваенны час тут, як ужо дзейная, згадваецца драўляная філія пад тытулам св. Апостала Пятра «даўняй фундацыі», далучаная да фарнай парафіі. Пабудаваў яе пан Прушынскі на ўзвышшы каталіцкіх могілак, прыкладна ў 1,5км ад в. Камянная Русота па дарозе на Гродна (паміж в. Чэшчаўляны і Ялоўшчына). Пры савецкай ўладзе капліца была зачынена і з часам пераўтварылася ў руіны.
У 1988 г. вернікі на чале з мясцовым жыхаром Нікадэмам Юрэвічам і разам з кс. Антоніем Саміла з Гожы аднавілі амаль зруйнаваную святыню. У тым ж, 1988 г., капліца была асвечана пад тытулам св. Апосталаў Пятра і Паўла. У 1999 г. тут праводзілі місійную працу рэдэмптарысты, пра што сведчыць крыж каля святыні.
Капліца ў Русоце — прамавугольная ў плане з 3-граннай алтарнай часткай (дзе змешчаная сакрыстыя) святыня, накрытая 2-схільным шыферным дахам з вальмамі над алтаром, вертыкальна ашалёваная і завершаная над уваходам 2-яруснай чацверыковай вежай-сігнатуркай. Залавы інтэр’ер перакрыты падшыўной дашчатай столлю. Алтарную сцену ўпрыгожвае эклектычная драўляная эдзікула з абразом Маці Божай Вострабрамскай, у атачэнні патранальных абразоў свв. Пятра і Паўла.
У самой в. Камянная Русота захаваўся звычайны для гэтых мясцінаў помнік-ахоўнік пад карункавым металічным крыжам і надпісам па-польску: «Ад голаду, хваробы, агня і вайны барані нас Божа». Але цікавасць у тым, што некалі прыдарожны, цяпер помнік стаіць на плошчы перад вясковай крамай, пабудаванай у савецкія часы па-за ім.
МАЛЫШЧЫНА 
| Фота grodnensis.by
|
Капліца на мясовых могілках пабудавана ўжо ў наш час з бутавага каменю. Паводле праекта гродзенскага архітэктара Куніцкага яе пачалі ўзводзіць увосень 2003 г. і асвяцілі ў 2004 г. Шмат дапамагла ў будаўніцтве сямья мясцовых жыхароў Кірчукоў (д.№ 32).
Капліца ўяўляе сабою невялікі аб’ём з паўкруглай алтарнай часткай пад высокім 2-схільным дахам. Інтэр’ер перакрыты плоскай падшыўной дашчатай столлю, маленькія вокны ўпрыгожаныя вітражамі з выявамі Пана Езуса (у цэнтры) і 4-х Евангелістаў.
|
З’явіўся новы ватыканскі Інтэрнэт-партал для моладзі www.pope2you.net, адкрыццё якога запланавана на 21 мая 2009 г. Апостальская Сталіца мае на мэце такім чынам папулярызаваць навучанне Святога Айца Бэнэдыкта XVI сярод маладога пакалення.
«Папская пілігрымка ў Святую Зямлю паказала, што міжрэлігійны дыялог стаў адным з прыярытэтаў Пантыфікату Бэнэдыкта XVI», — такое меркаванне выказаў кардынал Жан-Луі Таран, старшыня Папскай рады па міжрэлігійным дыялогу.
Вялікім поспехам карыстаецца выстава з нагоды 80-годдзя Горада Дзяржавы Ватыкан. Выстава на плошчы Святога Пятра ў Рыме працягнецца да 14 чэрвеня 2009 г. Экспазіцыя ўключае ў сябе планы, макеты, фотаздымкі Ватыкана, а таксама дакументы, якія датычацца эпохі Латэранскіх пагадненняў.
На Інтэрнэт-старонцы www.vaticanstate.va можна даведацца пра надвор’е ў Ватыкане. Падрыхтоўкай метэаралагічнай зводкі, якая інфармуе пра тэмпературу паветра, сілу ветру, ціск і магчымыя атмасферныя ападкі, займаецца губернатар Апостальскай Сталіцы кардынал Джаванні Лаёла.
Успамін пра пілігрымку ў Святую Зямлю стаў галоўнай тэмай разважанняў папы Бэнэдыкта XVI перад малітвай «Regina Caeli». «Святая Зямля, сімвал любові Бога да Яго народа і ўсяго чалавецтва, з’яўляецца таксама сімвалам свабоды і супакою, якія Бог жадае для ўсіх сваіх дзяцей», — адзначыў Пантыфік.
Дамініканскі багаслоў-містык, благаслаўлёны Генрых Сюзо (ХIV ст.), у сваіх творах, між іншым, згадваў, што ў юнацкія гады любіў хадзіць па лугах, збіраць кветкі і заносіць іх да падножжа скульптурнай выявы Найсвяцейшай Дзевы Марыі. У тыя часы яшчэ не было травеньскіх набажэнстваў, але была, як бачым, выразная патрэба (прычым не толькі ў брата Генрыха) «збіраць кветкі» для Божай Маці. Прыкладна з часоў позняга сярэднявечча ўсталявалася традыцыя спявання велічных заклікаў да Панны Марыі, што перапляталіся пакорным рэфрэнам «Маліся за нас... маліся за нас... маліся за нас...»
Тэалагічная камісія, якая сёння, 13 мая 2009 г., сабралася ў Кангрэгацыі па справах Кананізацыі, каб узняць пытанне адносна справы гераічнасці цнотаў Яна Паўла ІІ, выдала пазітыўнае меркаванне. Дакладны вынік галасавання яшчэ не вядомы, аднак вядома, што «за» выказаліся дзве трэція ўдзельнікаў сустрэчы.
