16 снежня ў Віцебскім абласным мастацкім музеі адкрылася калядная выстаўка дзіцячай творчасці,  прысвечаная святу Божага Нараджэння.

У араторыі св. Яна Боско пры салезіянскай парафіі св. Яна Хрысціцеля ў Мінску завяршыўся першы гульнявы этап хрысціянскіх спаборніцтваў па мікра-футболе «Кубак Дона Боско».

«Бачыць у гэтай прыгожай катэдры так шмат маладых людзей — прычына сапраўднай радасці і надзеі для мяне», — адзначыў Апостальскі Нунцый арцыбіскуп Габар Пінтэр у прамове падчас адвэнтавага чування моладзі, якое праходзіла ў ноч з 17 на 18 снежня ў Мінску.

Дарагая моладзь,

я вельмі рады, што маю магчымасць сёння тут, разам з вамі, перажываць падрыхтоўку да святаў Божага Нараджэння. Бачыць у гэтай прыгожай катэдры так шмат маладых людзей — прычына сапраўднай радасці і надзеі для мяне. Радасці — таму што, гледзячы на вас, разумею, што Касцёл у Беларусі сапраўды малады; надзеі — таму што гэты Касцёл жывы, поўны дынамізму і энтузіязму, што гэты Касцёл мае будучыню.

Вялікай колькасці людзей на свеце не хапае самага неабходнага. Нас нават можа паралізаваць усведамленне велізарнай колькасці патрэбаў і праблемаў свету. Іх цяжар нас прыгнятае. Мы не бачым перад сабой дарогі праз гэты цёмны лес. Езус Хрыстус гаворыць нам, што Ён з’яўляецца гэтай дарогай.

У ноч з 17 на 18 снежня ў мінскай архікатэдры адбылося моладзевае чуванне. Юнакі і дзяўчаты з усёй архідыяцэзіі і не толькі з’ехаліся ў сталіцу, каб у час Адвэнту зрабіць невялікую ахвяру — адмовіўшыся ад сну, чуваць усю ноч на малітве, разважаючы таямніцу Божага Нараджэння.

«Езус будзе народжаны з  Марыі, заручанай з  Юзафам, патомкам Давіда».

Мінская архікатэдра, 17 снежня

ПАДРЫХТУЙЦЕ ДАРОГУ ПАНУ

Падрыхтуйце дарогу Пану ў пустыні (Іс 40, 3).

Глыбокапаважаная моладзь!

1. Гэтыя словы прарока Ісаі, якія паўтарыў св. Ян Хрысціцель, з’яўляюцца лейтматывам Адвэнту — часу падрыхоўкі да святаў Божага Нараджэння і да другога прышэсця Хрыста. У часы Старога Запавету не было прывычных нам дарог. Замест іх былі так званыя камунікацыйныя тракты, якія з’яўляліся хаатычна, часта проста выпадкова і выкарыстоўваліся купецкімі караванамі, войскам ці каралём. Магчыма, нешта падобнае калісьці было і на нашай зямлі, да чаго схіляе, напрыклад, назва вуліцы Лагойскі тракт у Мінску.

«Гэта адзіная ў замежжы адмыслова пабудаваная беларуская грэка-каталіцкая царква і першая драўляная царква ў Лондане ад часоў Вялікага пажару 1666 года. Пабудаваная ў 30-ую гадавіну аварыі на Чарнобыльскай АЭС, яна таксама будзе храмам-помнікам усім ягоным ахвярам», — адзначаецца ў віншавальным лісце Мітрапаліта Мінска-Магілёўскага арцыбіскупа Тадэвуша Кандрусевіча. Асвячэнне царквы святога Кірылы Тураўскага ў Лондане прайшло 17 снежня.