Catholic.by - Рыма-каталіцкі Касцёл у Беларусі

Гэта архіў старой версіі сайта. Новая версія знаходзіцца па адрасе catholic.by

Рыма-каталіцкі Касцёл у Беларусі

9 кастрычніка — XXVІII Звычайная нядзеля, Год С

09.10.2016 03:00
1 чыт. 2 Вал 5, 14-17; Пс 98 (97), 1. 2-3ab. 3cd-4. 2 чыт. 2 Цім 2, 8-13. Ев. Лк 17, 11-19.

Лк 17, 11-19

09.10.2016 03:00
«Не знайшлося нікога, хто б вярнуўся аддаць славу Пану, акрамя гэтага чужынца».

Мітрапаліт Кандрусевіч: «Касцёл у Беларусі зробіць усё магчымае, каб пасяджэнне РБКЕ у Мінску было арганізавана на найлепшым узроўні»

08.10.2016 21:32
8 кастрычніка ў Манака, дзе з 6 па 9 кастрычніка праходзіць пленарнае пасяджэнне Рады Біскупскіх Канферэнцый Еўропы (РБКЕ), было названа месца правядзення наступнага пасяджэння РБКЕ.

Слова арцыбіскупа Тадэвуша Кандрусевіча падчас пленарнага пасяджэння Рады Біскупскіх Канферэнцый Еўропы ў Манака пасля зацвярджэння г. Мінска месцам правядзення Пленарнага пасяджэння ў 2017 г.

08.10.2016 21:12

Манака, 8 кастрычніка 2016 г.

Вашы Эмінэнцыі, Эксцэленцыі, браты і сёстры!

Найперш дазвольце ад усяго сэрца падзякаваць за выбар Мінска — сталіцы Беларусі — месцам правядзення наступнага пленарнага пасяджэння РБКЕ у наступным годзе.

Беларусь — краіна розных веравызнанняў і культур. Дзве канфесіі —праваслаў’е і каталіцтва — з’яўляюцца галоўнымі па колькасці сваіх вызнаўцаў і па гісторыі іх прысутнасці ў Беларусі. У нашай краіне таксама ёсць пратэстанты, габрэі і мусульмане. Паміж усімі веравызнаннямі склаліся добрыя адносіны. Беларускі народ талерантны адносна розных нацыянальнасцяў і рэлігій. Гэта вялікае багацце нашай краіны, якое мы павінны захаваць для будучых пакаленняў.

Свецкая ўлада таксама садзейнічае мірнаму суіснаванню і супрацоўніцтву паміж рознымі канфесіямі і рэлігіямі.

Разам з Праваслаўнай Царквой і прадстаўнікамі іншых пратэстанцкіх канфесій мы кожны год праводзім экуменічную сустрэчу падчас Тыдня малітваў аб еднасці хрысціян. Розные веравызнанні сумесна праводзяць розныя канферэнцыі і сустрэчы на тэмы міжканфесійнага і міжрэлігійнага дыялогу і таксама па выкліках сучаснасці, асабліва па праблемах наркаманіі, алкагалізму, абароны жыцця, дабрачыннасці, выхавання моладзі і г.д.

Католікі, праваслаўныя і лютэране з’яўляюцца членамі Міжнароднай групы паяднання паміж Беларуссю, Украінай, Польшчай і Германіяй.

Вельмі важнай падзеяй як для Каталіцкага Касцёла і Праваслаўнай Царквы, так і ўсёй краіны стаў IV Каталіцка-Праваслаўны Форум, які меў месца ў Мінску ў чэрвені 2014 г. Ён стаў пацвярджэннем таго, што Беларусь мае магчымасці арганізоўваць вялікія міжнародныя канферэнцыі, засведчыўшы добрыя адносіны паміж рэлігійнымі арганізацыямі і дзяржавай.

Каталіцкі Касцёл у Беларусі зробіць усё магчымае, каб наступнае Пленарнае пасяджанне РБКЕ было арганізавана на найлепшым узроўні і прынесла добры плён ў справе развіцця Касцёла ў Еўропе і адказе на выклікі нашага часу.

Выказваю надзею, што прабыванне старшынь Біскупскіх Канферэнцый Еўропы ў Мінску дапаможа ім лепей пазнаць жыццё і рэальнасць Касцёла, экуменічныя адносіны і адносіны з дзяржавай, а таксама традыцыі беларускага народа.

Яшчэ раз дзякую і ўжо сёння загадзя кажу: «Вітайце ў Мінску».

Мінск абраны сталіцай пленарнага пасяджэння Рады Канферэнцый Каталіцкіх Біскупаў Еўропы 2017 г.

08.10.2016 20:45
Наступнае пленарнае пасяджэнне Рады Канферэнцый Каталіцкіх Біскупаў Еўропы пройдзе з 28 верасня па 1 кастрычніка 2017 г. у Мінску. Пра гэта стала вядома 8 кастрычніка пасля вечаровага галасавання біскупаў.

Рыхтуемся да перэгрынацыі фігуры Маці Божай Фацімскай разам з Catholic.by. Дзень пяты

08.10.2016 09:00
На працягу дзевяці дзён, з 4 па 13 кастрычніка, на нашым сайце будуць публікавацца невялікія разважанні як падрыхтоўка да перэгрынацыі фігуры Маці Божай Фацімскай па парафіях Мінска-Магілёўскай архідыяцэзіі.

Біскуп Юрый Касабуцкі прымае ўдзел у выбарах старшыні Канферэнцыі Каталіцкіх Біскупаў Еўропы

08.10.2016 08:01

8 кастрычніка ў Манака, дзе ў гэтыя дні праходзіць пасяджэнне Рады біскупскіх канферэнцый Еўропы, у першай будзе абраны новы прэзідыум. Беларускі епіскапат на выбарах будзе прадстаўляць дапаможны біскуп Мінска-Магілёўскай архідыяцэзіі Юрый Касабуцкі.

8 кастрычніка — XXVІI Звычайны тыдзень

08.10.2016 03:00
1 чыт. Гал 3, 22-29; Пс 105 (104), 2-3. 4-5. 6-7. Ев. Лк 11, 27-28.

Лк 11, 27-28

08.10.2016 03:00
«Шчаслівае ўлонне, якое насіла Цябе, больш за тое, шчаслівыя, хто слухае слова Божае».

Новы выпуск праграмы «Падарожжа дылетанта» прысвечаны Росіцы

07.10.2016 17:01

У Верхнядзвінскім раёне, што на Віцебшчыне, знаходзіцца вёска Росіца, якую мясцовыя жыхары і людзі з наваколля называюць Расіцай. Вядучы праграмы «Падарожжа дылетанта» Юрый Жыгамонт у выпуску, прысвечаным гэтай вёсцы, распавядае яе гісторыю, якая пазначана вялікай трагедыяй, што адбылася ў часы Другой сусветнай вайны.

<< Першая < Папярэдняя 251 252 253 254 255 256 257 258 259 260 Наступная > Апошняя >>

Старонка 253 з 1895

Пры выкарыстанні матэрыялаў сайта спасылка на Catholic.By абавязкова.

Апошнія абнаўленні

11.07 12:38	Пяць юнакоў залічаны на першы курс Духоўнай семінарыі ў Пінску
11.07 10:21	Дублін: былы футбаліст «Манчэсцер Юнайтэд» стаў святаром
10.07 14:12	Рэпартаж з Дубка — самай лясной капліцы ў Беларусі
10.07 11:39	Капліцу Маці Божай Фацімскай асвяцілі ў шпіталі ў Бараўлянах
10.07 09:59	Ты католік з Чэрыкава? Адгукніся!
08.07 20:48	Урачыстасці Маці Божай прайшлі ў санктуарыі ў Тракелях
08.07 14:26	Біскуп Антоні Дзям’янка асвяціў касцёл у Гарадцы (+фота)
07.07 15:18	Біскуп Антоні Дзям'янка сустрэўся з удзельнікамі рэкалекцый у пінскай семінарыі
07.07 14:28	Католікі Салігорка паедуць у Чэнстахову ...на ровары
07.07 12:29	Гамілія на ХІV Звычайную нядзелю, Год А (9 ліпеня)