Першы нацыянальны канал Беларускага радыё распавядзе пра дабрачынную місію Мінска-Магілёўскай архідыяцэзіі «Чыстае сэрца». Днямі дырэктар місіі кс. Юрый Санько і тры валанцёра прынялі ўдзел ў запісе эфіра радыёперадачы «Для тых, хто дома» ў Доме радыё.
У Год Божай Міласэрнасці і месяц Ружанца супрацоўнікі «Карытас» Пінскай дыяцэзіі правялі акцыю «Старасць у радасць» для пажылых адзінокіх людзей, якія жывуць на тэрыторыі Брэсцкага, Камянецкага і Жабінкаўскага раёнаў.
7 кастрычніка Папа Рымскі сустрэўся з удзельнікамі Генеральнага капітула Місіянераў Аблатаў Марыі Беззаганнай, які праходзіў у мінулыя дні ў Рыме і на якім праходзілі выбары Генеральнага настаяцеля супольнасці.
7 кастрычніка ў Зале Друку Святога Пасаду адбылася прэзентацыя кампакт-дыска з творам «Missa Papæ Marcelli» італьянскага кампазітара эпохі Рэнесанса Джавані П’ерлуіджы Палестрына ў выкананні хору Папскай музычнай Сікстынскай капэлы.
6 кастрычніка на пленарным пасяджэнні Кіеўскага гарадскога савета дэпутаты адобрылі рашэнні адносна перайменавання вуліцы Патрыса Лумумбы, праспекта Уз’яднання і Маскоўскай плошчы.
Імя ўладальніка Нобелеўскай прэміі міру за 2016 год назвалі 7 кастрычніка ў сталіцы Нарвегіі. Ім стаў прэзідэнт Калумбіі Хуан Мануэль Сантас, які атрымаў прэмію за высілкі, накіраваныя на завяршэнне грамадзянскай вайны ў Калумбіі, якая працягвалася там апошнія 50 гадоў.
Кіраўнік Армянскай Апостальскай Царквы (ААЦ) Каталікос усіх армян Гарэгін ІІ прыме ўдзел у чарговым сходзе Вярхоўнага духоўнага савета, які пройдзе ў Нью-Ёрку з 31 кастрычніка па 3 лістапада.
«Рэформу літургіі варта правесці, нават калі для гэтага прыйдзецца сціснуць зубы. Ад гэтага залежыць будучыня Касцёла», — кажа кардынал Рабэр Сара з Гвінеі, прэфект Кангрэгацыі Божага Культу і Дысцыпліны Сакрамэнтаў.
6 кастрычніка пачала працу інтэрнэт-старонка «Радыё Марыя» — radiomaria.by. Як паведаміў яго праграмны дырэктар кс. Аляксандр Улас, сайт, як і радыё, знаходзіцца пакуль у тэставым рэжыме, аднак на ім ужо транслююцца навіны, святыя Імшы і ружанцовая малітва.
На працягу дзевяці дзён, з 4 па 13 кастрычніка, на нашым сайце будуць публікавацца невялікія разважанні як падрыхтоўка да перэгрынацыі фігуры Маці Божай Фацімскай па парафіях Мінска-Магілёўскай архідыяцэзіі.