26 снежня ў касцёле святой Тэрэзы ад Езуса (Авільскай) у Шчучыне на вігілійную сустрэчу сабраліся студэнты парафіі. Сустрэча для былых школьнікаў распачалася святой Імшой, на якой прысутныя сталіся адным цэлым ля алтара і паразважалі над тэмай выбару дабра ў жыцці.
Звярнуць увагу на любоў, якая жыве ў сям’і, прапанаваў дапаможны біскуп Мінска-Магілёўскай архідыяцэзіі Юрый Касабуцкі, які ўзначаліў вечаровую Імшу ў касцёле свв. Сымона і Алены ў дзень, калі Касцёл адзначае свята Святой Сям’і і ўзгадвае ўлюбёнага вучня Езуса – евангеліста Яна. Пасля Эўхарыстыі біскуп падзяліўся аплаткай з навукоўцамі, настаўнікамі і выхавацелямі.
Калядным канцэртам завяршылася англамоўная Імша ў вігілію Божага Нараджэння ў гродзенскім касцёле Звеставання Найсвяцейшай Панне Марыі (пабрыгідскі), якую цэлебраваў кс. Антоні Грэмза.
27 снежня касцёл свв. Сымона і Алены ў Мінску поўніўся дзіцячымі галасамі. На аплаткавую сустрэчу з дапаможным біскупам Мінска-Магілёўскай архідыяцэзіі Юрыем Касабуцкім прыйшлі цэлыя сем’і.
27 снежня падчас парафіяльнага свята ў мінскай парафіі Св. Яна Евангеліста і св. Максімільяна Кольбэ пяць сем’яў склалі ўрачыстыя абяцанні т.зв. карты руху «Equipes Notre-Dame», прыняўшы Евангелле за Канстытуцыю сваіх сем’яў. Раздзяліць радасць вернікаў прыбыў Мітрапаліт Мінска-Магілёўскі арцыбіскуп Тадэвуш Кандрусевіч.
26-27 снежня біскуп Пінскі Антоні Дзям’янка наведаў парафіі Баранавіцкага і Брэсцкага рэгіёна, цэлебраваў святую Імшу ў пінскай катэдры з удзелам сужэнцаў і сустрэўся з групай вернікаў з Украіны.
27 снежня ў парафіі Найсвяцейшага Адкупіцеля ў Гродне адбылася аплаткавая сустрэча біскупа Гродзенскага Аляксандра Кашкевіча з працаўнікамі чыгункі. У сустрэчы прынялі ўдзел працаўнікі чыгункі з усёй Гродзенскай дыяцэзіі, а таксама з Мінска-Магілёўскай архідыяцэзіі.
Свята свв. Немаўлят, мучанікаў.
1 чыт. (сш.16) 1 Ян 1, 5 – 2, 2; Пс 124 (123), 2–3. 4–5. 7ab–8.Ев. Мц 2, 13–18.
«Ірад паслаў пазабіваць усіх хлопцаў у Бэтлееме»