13 снежня 2015 г.
Мінскі архікатэдральны касцёл, 13 снежня 2015 г.Радасць юбілею міласэрнасці
Мінская архікатэдра ў ноч з 12 на 13 снежня ў чарговы раз сабрала ў сваіх сценах моладзь з усёй Беларусі. Шукаць чыстае сэрца і вучыцца захоўваць яго ў чысціні на традыцыйнае адвэнтавае чуванне прыйшлі 435 маладых католікаў. Вядучым сустрэчы быў кс. Андрэй Калядка.
Арцыбіскуп Клаўдыё Гуджэроцці, які завяршае служэнне Апостальскага Нунцыя ў Беларусі, падчас дзялення аплаткай з моладдзю, якая сабралася ў мінскай катэдры ў ноч з 12 на 13 снежня на адвэнтавае чуванне, апрануўся ў вышыванку.
III Нядзеля Адвэнту інакш называецца Нядзеляй Gaudete, ці Нядзеляй радасці. Святы Божага Нараджэння ўжо вельмі блізка, і Касцёл у вялікай радасці цэлебруе гэты дзень асаблівым чынам. Нядзеля Gaudete — гэта свайго роду абвяшчэнне блізкасці Збаўцы, што адначасова з’яўляецца запрашэннем да радасці.
13 снежня ў краіне, дзе зусім нядаўна была ўручана першая ў гісторыі Беларусі Нобелеўская прэмія пісьменніцы Святлане Алексіевіч, адзначаецца дзень святой Луцыі.
Мінскі архікатэдральны касцёл, 12 снежня 2015 г.
Ля дзвярэй мінскага архікатэдральнага касцёла ў зімовы, але па-восеньску вільготны дзень, апоўдні арцыбіскупа Клаўдыё Гуджэроцці, які завяршае сваё служэнне Апостальскага Нунцыя ў Беларусі, актыўна сустракалі фота- і відэакамеры. Вернікі чакалі ў святыні, а пры дзвярах вітаў Мітрапаліт Мінска-Магілёўскі арцыбіскуп Тадэвуш Кандрусевіч.