26 лістапада ў межах візіту ў Кенію Папа Францішак наведаў штаб-кватэру ААН у Найробі. Перад сустрэчай з яе супрацоўнікамі Святы Айцец прыняў удзел у сімвалічнай пасадцы дрэва.

Выбраныя, каб дапамагаць бедным: так Папа Францішак ахарактарызаваў духавенства, семінарыстаў і кансэкраваных асобаў Кеніі, з якімі сустрэўся 26 лістапада ў рамках свайго падарожжа ў Афрыку.

На выставе, прысвечанай 25-годдзю мастацкай суполкі «Пагоня», якая адкрылася ў мінскім Палацы мастацтваў 24 лістапада, экспануецца карціна мастака Аляксея Марачкіна «Маці Божая Нябеснай сотні».

Царква Англіі вырашыла паказаць відэаролік з малітвай «Ойча наш» у трох сеткавых кінатэатрах краіны. Аднак паказ роліка быў забаронены. Тым не менш, стужку можна паглядзець на Youtube.

У вобласці Аль-Хасака на поўначы Сірыі былі вызвалены з рук баевікоў «Ісламскай дзяржавы» дзесяць асірыйскіх хрысціян. Хрысціянскае агенцтва «Айна» паведаміла 25 лістапада, што група з пяці жанчын і пяці мужчын у добрым фізічным стане.

Вясной гэтага года пачалася кругласутачная «Няспынная малітва за Беларусь».  У падтрымку і дзеля заахвочвання новых удзельнікаў ініцыятывы прапануем знаёмства з некаторымі людзьмі, якія трываюць у гэтым адказным абавязку. У гэты раз — Тамара Мінютка.

Міжрэлігійны дыялог – гэта не штосьці дадатковае і апцыянальнае, а істотнае, гэта штосьці, у чым свет, паранены канфліктамі і падзеламі, заўсёды мае патрэбу, сказаў Папа Францішак 26 лістапада на экуменічнай і міжрэлігійнай сустрэчы ў сталіцы Кеніі Найробі ў рамках Апостальскага падарожжа ў Афрыку.

26 лістапада Папа Францішак узначаліў святую Імшу ў сталіцы Кеніі Найробі. На пачатку гаміліі Пантыфік выказаў радасць з прычыны далучэння Кеніі да сям’і хрысціянскіх народаў.

«Моладзь – самы каштоўны рэсурс кожнай краіны», – адзначыў Папа Францішак у прывітальным звароце да ўладаў Кеніі і прадстаўнікоў дыпламатычнага корпуса. Сустрэчай з імі 25 лістапада Святы Айцец пачаў свой візіт у гэтую афрыканскую дзяржаву, у якой прабудзе да 27 лістапада.