Чарговая арганізацыйная сустрэча, прысвечаная падрыхтоўцы ІІ Усебеларускай малітоўнай сустрэчы моладзі ў Івянцы адбылася 15 чэрвеня 2011 г.

Сустрэчу ў Івянцы ўзначаліў Мітрапаліт Тадэвуш Кандрусевіч, а ўдзельнічалі ў ёй прадстаўнікі ўсіх дыяцэзій Беларусі. Быў распрацаваны канчатковы расклад сустрэчы і абмеркаваны ўмовы рэгістрацыі і пражывання пілігрымаў. У хуткім часе будзе абнародаваны зварот Мітрапаліта да беларускай моладзі аб заахвочванні да ўдзелу ў малітоўнай сустрэчы.

Першая Міждыяцэзіяльная сустрэча моладзі праходзіла 18–20 ліпеня 2008 г. з нагоды 23-га Сусветнага дня моладзі ў Сіднэі (Аўстралія).