Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Выйшла кніга Яна Паўла ІІ аб Другім Ватыканскім Саборы
Дзяржава Ватыкан
17.01.2013 15:51

Аддзел дакументацыі і вывучэння Пантыфікату Яна Паўла ІІ у Рыме апублікаваў артыкулы і рэфераты Вялікага Папы, якія датычаць Другога Ватыканскага Сабору. Кніга ўтрымлівае тэксты выступленняў Папы, у той час Мітрапаліта Кракаўскага, на сімпозіумах і сустрэчах, прысвечаных тэме Сабору.

Большая частка з усіх тэкстаў, прыведзеных у кнізе «Касцёл у таямніцы адкуплення. Інтэрпрэтацыя Другога Ватыканскага Сабору», публікуецца ўпершыню.

Кніга мае чатыры раздзелы. Першы з іх называецца «Пазнаць Сабор», і ў ім разглядаюцца працы айцоў Сабору. Другі, пад назвай «Касцёл у Хрысце», датычыць Дагматычнай канстытуцыі «Lumen gentium» і іншых дакументаў, прысвечаных удзелу Божага Народу ў місіі Хрыста. Раздзел «Касцёл у свеце» змяшчае тэксты Папы адносна Душпастырскай канстытуцыі аб Касцёле ў сучасным свеце «Gaudium et spes» і Дэкларацыі аб свабодзе веравызнання «Dignitatis Humanie». У чацвёртым раздзеле «Рэалізацыя Другога Ватыканскага Сабору» Ян Павел ІІ разглядае шляхі рэалізацыі саборнай дактрыны ў жыцці людзей і касцёльных арганізацый.

(AG)

 

Пры выкарыстанні матэрыялаў сайта спасылка на Catholic.By абавязкова.

Спасылкі па тэме