Для забеспячэння харчовай бяспекі ў свеце неабходна змяніць уклад жыцця і мысленне, — адзначыў Святы Айцец Бэнэдыкт XVI. Па меркаванні Пантыфіка, для барацьбы з голадам трэба перш за ўсё развіваць сельскую гаспадарку ў найбольш бедных краінах і павялічыць аб’ёмы інвестыцый у інфраструктуру сельскіх раёнаў у гэтых дзяржавах.
16 кастрычніка 2009 г. Святы Айцец Бэнэдыкт XVI удзяліў аўдыенцыю прэм’ер-міністру Украіны Юліі Цімашэнка. Як паведаміла Прэс-служба Апостальскай Сталіцы, падчас сустрэчы абмяркоўваліся крокі, здзейсненыя Каталіцкім Касцёлам у дачыненні да ўкраінскага грамадства, у прыватнасці ў галіне адукацыі і распаўсюджвання агульначалавечых і хрысціянскіх каштоўнасцей.
17 студзеня 2010 г. Святы Айцец Бэнэдыкт XVI упершыню наведае рымскую сінагогу. Як паведамляе інфармацыйнае агенцтва «Reuters», аб планах Пантыфіка стала вядома яшчэ летам гг., але афіцыйную дату візіту Ватыкан назваў менавіта зараз.
Ружанец «з Афрыкай і ў інтэнцыі Афрыкі» ўзначаліў Святы Айцец Бэнэдыкт XVI увечары 10 кастрычніка 2009 г. У малітоўнай сустрэчы, прымеркаванай да ІІ сходу Сіноду Біскупаў для Афрыкі, удзельнічалі члены Сіноду. Далучыцца да малітвы праз тэлебачанн мела магчымасць моладзь з васьмі сталіц кантынента: Каіра (Егіпет), Наіробі (Кенія), Хартума (Судан), Ёханэсбурга (Паўднёва-Афрыканская Рэспубліка), Анічы (Нігерыя), Кіншасы (Дэмакратычная Рэспубліка Конга), Мапуту (Мазамбік) і Уагадугу (Буркіна Фасо). Пасля прамовы Пантыфік падараваў некаторым студэнтам экземпляры сваёй новай энцыклікі «Caritas in veritate» («Любоў у праўдзе»).
8 кастрычніка 2009 г. на заканчэнне канцэрта з нагоды 70-годдзя выбуху ІІ Сусветнай вайны і 20-годдзя падзення Бярлінскага муру, што адбываўся недалёка ад Апостальскай Сталіцы, Святы Айцец Бэнэдыкт XVI нагадаў пра асобу папы Пія ХІІ. Па словах Пантыфіка, гэты Папа прыкладаў усе намаганні, каб прадухіліць ваенную трагедыю, аднак да яго словаў не прыслухаліся ў час, калі верх у свеце ўзялі эгаізм і насілле.
Для забеспячэння харчовай бяспекі ў свеце неабходна змяніць уклад жыцця і мысленне, — адзначыў Святы Айцец Бэнэдыкт XVI. Па меркаванні Пантыфіка, для барацьбы з голадам трэба перш за ўсё развіваць сельскую гаспадарку ў найбольш бедных краінах і павялічыць аб’ёмы інвестыцый у інфраструктуру сельскіх раёнаў у гэтых дзяржавах.
16 кастрычніка 2009 г. Святы Айцец Бэнэдыкт XVI удзяліў аўдыенцыю прэм’ер-міністру Украіны Юліі Цімашэнка. Як паведаміла Прэс-служба Апостальскай Сталіцы, падчас сустрэчы абмяркоўваліся крокі, здзейсненыя Каталіцкім Касцёлам у дачыненні да ўкраінскага грамадства, у прыватнасці ў галіне адукацыі і распаўсюджвання агульначалавечых і хрысціянскіх каштоўнасцей.
Як паведамляе Прэс-служба Апостальскай Сталіцы, 16 лістапада 2009 г. Святы Айцец Бэнэдыкт XVI наведае штаб-кватэру Харчовай і сельскагаспадарчай арганізацыі ААН (FAO), якая знаходзіцца ў Рыме.
17 студзеня 2010 г. Святы Айцец Бэнэдыкт XVI упершыню наведае рымскую сінагогу. Як паведамляе інфармацыйнае агенцтва «Reuters», аб планах Пантыфіка стала вядома яшчэ летам гг., але афіцыйную дату візіту Ватыкан назваў менавіта зараз.
Ружанец «з Афрыкай і ў інтэнцыі Афрыкі» ўзначаліў Святы Айцец Бэнэдыкт XVI увечары 10 кастрычніка 2009 г. У малітоўнай сустрэчы, прымеркаванай да ІІ сходу Сіноду Біскупаў для Афрыкі, удзельнічалі члены Сіноду. Далучыцца да малітвы праз тэлебачанн мела магчымасць моладзь з васьмі сталіц кантынента: Каіра (Егіпет), Наіробі (Кенія), Хартума (Судан), Ёханэсбурга (Паўднёва-Афрыканская Рэспубліка), Анічы (Нігерыя), Кіншасы (Дэмакратычная Рэспубліка Конга), Мапуту (Мазамбік) і Уагадугу (Буркіна Фасо). Пасля прамовы Пантыфік падараваў некаторым студэнтам экземпляры сваёй новай энцыклікі «Caritas in veritate» («Любоў у праўдзе»).
8 кастрычніка 2009 г. на заканчэнне канцэрта з нагоды 70-годдзя выбуху ІІ Сусветнай вайны і 20-годдзя падзення Бярлінскага муру, што адбываўся недалёка ад Апостальскай Сталіцы, Святы Айцец Бэнэдыкт XVI нагадаў пра асобу папы Пія ХІІ. Па словах Пантыфіка, гэты Папа прыкладаў усе намаганні, каб прадухіліць ваенную трагедыю, аднак да яго словаў не прыслухаліся ў час, калі верх у свеце ўзялі эгаізм і насілле.
4 кастрычніка 2009 г. у Апостальскай Сталіцы папа Бэнэдыкт XVI разам з 239 айцамі сабору і 55 святарамі цэлебраваў святую Імшу, якая распачала Сінод Біскупаў у Афрыцы. Мерапрыемствы, у якіх прымаюць удзел 244 айцы Сіноду, будуць працягвацца да 25 кастрычніка гг. Сінод Біскупаў праходзіць пад дэвізам «Касцёл у Афрыцы ў службе паяднання, справядлівасці і міру. „Вы — соль зямлі… вы — святло свету“».
У лістападзе 2009 г. плануецца выпуск музычнага альбома Святога Айца Бэнэдыкта XVI пад назвай «Alma Mater — Музыка з Ватыкана». Пантыфік будзе дэкламаваць і спяваць малітвы ў суправаджэнні традыцыйных касцёльных мелодый.
Бэнэдыкт XVI з’яўляецца адным з найлепшых Рымскіх Папаў у гісторыі, — падкрэсліў 21 верасня 2009 г. былы кіраўнік прэс-службы Апостальскай Сталіцы Хоакін Наварро-Вальс. Па яго словах, найбольш арыгінальнай рысай Пантыфікату Святога Айца з’яўляецца яго павага да чалавечай рацыянальнасці і вера ў здольнасць асобы служыць праўдзе, у чым, аднак, галоўнай перашкодай становіцца «дыктатура рэлятывізму».
21 верасня 2009 г. падчас візіту ў Ватыкан кіраўнік Аддзела знешніх царкоўных сувязяў Маскоўскага Патрыярхату архіепіскап Валакаламскі Іларыён (Алфееў) паведаміў, што сёння існуе шмат прычын для аб’яднання католікаў і праваслаўных з мэтай супрацоўніцтва ў дэхрысціянізаваным свеце. Па словах архіепіскапа Іларыёна, настаў час пераадолець падзел і канкурэнцыю і жыць у салідарнасці і ўзаемнай любові.
Бэнэдыкт XVI зацвердзіў тэму і дату правядзення 50-га Міжнароднага эўхарыстычнага кангрэса. Адбудзецца ён у Дубліне (Ірландыя) 10–17 чэрвеня 2012 г. Тэма пасяджэння — «Эўхарыстыя: камунія з Хрыстом, а таксама паміж намі».
19 верасня 2009 г. у Кастэль Гандольфа (прыгарад Рыма) Святы Айцец Бэнэдыкт XVI паведаміў, што ў суботу распачнецца яго трохдзённы візіт у Чэхію. «Я накіруюся ў Прагу, сталіцу краіны, але таксама наведаю горад Брно ў Маравіі і Стара Балеслаў, месца, дзе апякун краіны, святы Венцэслаў, памёр смерцю мучаніка», — паведаміў Бэнэдыкт XVI пра асноўныя пункты свайго маршруту.
19 верасня 2009 г. у Кастэль Гандольфа (прыгарад Рыма) Святы Айцец Бэнэдыкт XVI прыняў сем каталіцкіх патрыярхаў з Блізкага Усходу. У сустрэчы прымаў таксама ўдзел лацінскі Патрыярх Іерусаліма арцыбіскуп Фуад Туаль.
20 верасня 2009 г. Святы Айцец Бэнэдыкт XVI абвясціў пасланне на 43-і Сусветны дзень сродкаў сацыяльнай камунікацыі, у якім выказаў пажаданне аб тым, каб яны служылі праўдзе, дыялогу і прыязні паміж людзьмі. Папа звярнуў увагу на тое, што новыя тэхналогіі вызначаюць галоўныя змены ў міжчалавечых адносінах.
Беларусь, паводле французскага агенцтва I-Media, — адна з некалькіх краін, якія Святы Айцец Бэнэдыкт XVI можа наведаць у 2010 годзе. Адно з падарожжаў Пантыфіка можа мець сувязь з магчымай сустрэчай Святога Айца і Патрыярха Маскоўскага і ўсяе Русі Кірыла. Не выключаецца магчымасць правядзення гэтага мерапрыемства ў Беларусі.
Ватыканскае радыё