На заканчэнне агульнай аўдыенцыі 3 кастрычніка папа Бэнэдыкт XVI папрасіў вернікаў аб малітве ў інтэнцыі Года веры і Сіноду Біскупаў па новай евангелізацыі. Таксама Пантыфік нагадаў, што заўтра накіроўваецца ў Ларэта і будзе пілігрымаваць шляхам бл. Яна ХХІІІ, які 50 гадоў таму маліўся ў гэтым санктуарыі перад распачаццем Другога Ватыканскага Сабору.

«Прашу, каб вы ўключыліся ў маю малітву, давяраючы Маці Божай важныя касцёльныя падзеі, якія мы ў хуткім часе будзем перажываць, — Год веры і Сінод Біскупаў, прысвечаны новай евангелізацыі. Няхай Найсвяцейшая Панна Марыя суправаджае Касцёл у яго місіі абвяшчэння Евангелля людзям нашых часоў», — сказаў Святы Айцец.

(AG)